زيادة المرتبات على الأبواب.. مفاجآت الحكومة للمصريين بعد العيد

الحكومة قررت تفاجئ المصريين.. ايه اللي حصل.. وايه القرار إللي اخدته وزارة المالية عشان تساند المصريين مالياً بعد العيد.. وايه اللي هيحصل في 18 يونيو الحالي.. كل التفاصيل هنعرفها في الفيديو ده.

الحكومة عارفة أن الموظفين وأصحاب تكافل وكرامة وموظفين المعاش قبضوا مرتبات مايو بدري وإن المصاريف كتير على الناس في العيد وعشان كده قررت تصرف مرتبات شهر يونيو الحالي قبل معادها بكتير ومش هتتسنى تصرفه يوم 23 أو 27 زي كل مره وقررت تصرفه يوم 18 من الشهر الجاري.. ايوا زي ما سمعت كده هتقبض مرتب الشهر الحالي بعد 10 أيام تقريباً.

مش كده وبس دا كمان المالية أعلنت أنها  هتصرف 1100 جنيه زيادة لأقل درجة وظيفية ومزايا جديدة للعاملين بالدولة لشهر يوليو.. ودا اللي أعلن عنه النهاردة أحمد كجوك، وزير المالية.

الوزير أكد كمان إن الزيادة الجديدة هتكون ملموسة ومباشرة، والأجور هتشهد زيادة كبيرة وإن الموظف في أقل درجة وظيفية هيحصل على 1100 جنيه زيادة شهريًا، لتُضاف إلى إجمالي الأجر.. وان الحد الأدنى للأجور لن يقل عن 7000 جنيه شهريًا.. دا غير إن الحكومة قررت تصرف مرتبات يونيو يوم 18 من الشهر الحالي.

ولسه مع تصريحات الوزير اللي أكد فيها كمان إن الحد الأدنى للأجور لن يقل عن 7000 جنيه شهريا بداية من يوليو اللي جاي يعني من الشهر الجاي.. وإن الزيادات الجديدة هتتفاوت حسب فئات العاملين .. يعني مثلا هيتم صرف علاوة دورية بنسبة 10% للمخاطبين بقانون الخدمة المدنية.. أما غير المخاطبين بالقانون فهيصرفوا علاوة بنسبة 15%، مع حد أدنى للعلاوة 150 جنيهًا شهريًا.

كجوك قال كمان إن الزيادات الجديدة هتشمل حافز إضافي بقيمة مقطوعة يصل إلى 600 أو 700 جنيه، وهيتوجه لكافة العاملين في الدولة بغض النظر عن الفئة الوظيفية وبكده هتكون الزيادة المستحقة تجاوزت مجرد العلاوات الدورية وهتنعكس بشكل إيجابي في المرتبات بشكل عام، ويشعر بها جميع العاملين بالدولة.

وبكده إجمالي المخصصات المالية للأجور في الموازنة الجديدة هتوصل 679.1 مليار جنيه بزيادة سنوية 18.1%، والمخصصات هتتشمل تمويل العلاوات الجديدة وكمان الزيادة في عدد العاملين في قطاعي الصحة والتعليم، لضمان تحسين الخدمة المقدمة للمواطنين وتحسين مستوى الدخول والتخفيف على المصريين.