في ناس كتيرة عندها حاسبات في البنوك. الحاسبات دي بتتحول لحسابات راكده.. ياتري اية حكاية الحسابات الراكدة دي وهل لها تأثير علي المواطنين أو بتكون سبب في زيادة الرسوم الإدارية علي العملاء .. وآزاي المواطنين تتجنب مشاكل الحسابات الراكدة.
الدولة حاليا بدأت مرحلة جديدة من الشمول المالي والتحول الرقمي، واللي بتستهدف تحويل معاملات المواطنين كلها لحسابات في البنوك والهدف من التحويلات دي كلها هو تسهيل حياة المواطنين وتحويل المعاملات المالية لحاجة من أسهل الخدمات اللي بتقدمها البنوك للعملاء، ومع الوقت تحول فتح حساب بنكي واحدة من أسهل الخطوات اللي الموجودة حاليا في البنوك، والعميل يقدر في الوقت الحالي يفتح حساب بنكي وهو قاعد في بيته أو من خلال الحضور لأحد فروع البنك اللي هو عايزة واللي بقت منتشرة في كل أنحاء الجمهورية، ده غير أن يقدر يفتح حساب بنكي من خلال الإتصال بخدمه العملاء في البنك اللي هو عايزه.
التحولات الكبيرة اللي طرحتها البنوك لتسهيل حياة المواطنين استهدفت فتح حسابات كتيرة للمواطنين، ولكن مع الوقت ممكن يحصل إهمال من المواطنين للحسابات دي واللي بتتحول بعد كده لحسابات راكده، والنوع ده من الحسابات هو حساب بنكي العميل مقامش عليه باي معاملات سواء بالسحب أو الإيداع أو التحويل أو الاستعلام عن الرصيد لمدة سنة بالنسبه للحسابات الجارية، وسنتين لحسابات التوفير.
طيب إزاي العميل تنشيط الحساب الراكد د، وهل في رسوم هيتحملها العميل في حالة تنشيط الحساب الراكد؟.
عدد كبير من البنوك العاملة في مصر أعلنت عن موقعها الإلكتروني عن خطوات تنشيط الحسابات الراكدة وده بيحصل من خلال الاتصال بخدمة عملاء البنك هاتفيا أو زيارة أقرب فرع، وطلب تنشيط الحساب الراكد، واتباع التعليمات من موظف الفرع، أو الدخول على القنوات الرقمية للبنك، زي تطبيقات الهاتف الإنترنت البنكي أو الموبايل البنكي، أو استخدام ماكينات الصراف الآلي ATM، لكن في الحالة دي لازم البنك يتحقق في الاول من هوية العميل، انا بقي للناس اللي بتسأل عن رسوم تنشيط الحسابات الراكدة فهيا بتختلف من بنك للتاني والتعليمات والشروط الخاصة بكل بنك واللي بتختلف عن البنك التاني.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
