عقب المؤلف محمود حمدان، على أزمة الفنان أحمد أدم، أبدى فيها استيائه عن معاملة الفنان له في بدايته ووصفه بالمغرور، مما دفعه للدعاء عليه.
ونشر محمود حمدان عبر حسابة الرسمي على موقع التواصل الاجتماعي "الفيسبوك": “سنة ٢٠٠٧ اخدنا الدكتور جلال الشرقاوي علشان نمثل في مسرحيه لاحمد ادم ، كنا مجموعه من شباب اكاديميه الفنون ولسه في بداية طريقنا”.
وتابع: “أحمد أدم كان مغرور ومتعالي بشكل غريب، كنا قبل العرض بيوم وبنعمل بروفة جنرال، دخلت أعمل دوري ومن حظي السئ إن اللي كانوا قاعدين في الصالة ضحكوا، أحمد أدم وقف البروفة وقدام كل الناس سمعني أسوأ كلام يقوله فنان محترف لشاب لسه بيشق طريقه ”انت هتاخد فرصتك بس مش معايا مع حد تاني، تقف مكانك متتكلمش".
وأضاف: “ولم يكتفي بذلك، قالي مش هتشتغل يلا امشي، خرجت من المسرح والدموع مكتومه جوايا، واصحابي بيحاولوا يواسوني ”مصطفي ابو سريع وحسني شتا وابراهيم السمان ومحمد العمروسي"، روحت صليت ودعيت علي احمد ادم وانا منهار من البكاء".
وأشار: “انا لما قريت الخبر ده افتكرت اللي عمله معايا سبحانك يارب، ومن ٥ سنين كلمني منتج صديقي علشان اكتب فيلم لادم وقولتله لو هتديني ١٠٠ مليون مش هكتبله، الان بدعيله ربنا يفك كربه ويسامحه ويكرمه، وانا مسامح”.
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
