هو ايه اللي بيحصل في سوق صناعة الصلب العالمية.. وازاي قرار ترامب الأخير بيمهد لتحويل مصر لمركز إقليمي لصناعة الصلب في المنطقة وهل مصانع أوروبا هتهاجر لمصر..
العالم مقلوب بعد قرار الرئيس الأمريكي ترامب بفرض رسوم جمركية جديدة تتراوح بين 25% إلى 50% على كل واردات الصلب للولايات المتحدة وبعد القرار المفوضية الأوروبية أعلنت الحرب على ترامب وقالت إنها هتاخد إجراءات انتقامية لأن أوروبا مورد أساسي للصلب إلى السوق الأمريكية ودا عمل حالة اضطراب شديد في أسواق الصلب العالمية لأنها صناعة استراتيجية في الدول المتقدمة والقرارات الجديدة هتضيع المنافسة وتخسر الشركات خسائر فادحة وكمان القرار هيأثر على شركاء التجارة الرئيسيين مع أمريكا زي كندا والمكسيك، والعديد من الدول الآسيوية والأوروبية زي اليابان وكوريا الجنوبية وألمانيا.
ايه علاقة مصر بقرار ترامب ؟
شوف حضرتك قرار الإدارة الأمريكية بفرض رسوم إضافية على واردات الصلب خطورته إنه بيضاف للزيادة السابقة في الرسوم الجمركية اللي سبق وفرضها ترامب على أوروبا يعني ال50% دي هتضاف على نسبة الرسوم الجمركية القديمة واللي بتبلغ نسبتها على أوروبا 50% بردوا يعني كده واردات اووربا من الصلب الاوربي اللي داخل السوق الأمريكية هيوصل 100% ودي كارثة بالنسبة للشركات..
اكيد أوروبا هترد على القرار الجديد زي ما هددت لكن في نفس الوقت الشركات الأوروبية هتدور على مصلحتها وهتتعامل ان ترامب مش هيتراجع وهنا مصر بتقفز كبديل أوروبي قوي للالتفاف على القرار الأمريكي والشركات الأوربية هتعمل زي ما عملت الصين واللي بدأت تنقل مصانعها لمصر للهروب من رسوم ترامب الضخمة وتستفاد من الرسوم الجمركية القليلة المفروضة على مصر وهي 10% .. يعني الشركات الأوروبية بدل ما هتدفع 100% رسوم جمركية على وارداتها للولايات المتحدة هتدفع بس 60% لو صدرتها من مصر يعني هتوفر 40% من الرسوم ودي فرصة عظيمة لمصر أنها تكون مركز إقليمي وعالمي لإنتاج الصلب خاصة أن مصر عندها صناعات وخبرة كبيرة في صناعة الصلب وكمان عندها بنية أساسية قوية جدا من مواني ومواد خام وعمالة وطاقة وقناة السويس وخطوط تجارة.
لو حصل والشركات الأوروبية لإنتاج الصلب نقلت جزء من مصانعها لمصر دا هيدي قوة إضافية عظيمة للاقتصاد المصري وايرادات دولارية ضخمة ودا غير توفير آلاف من فرص العمل للشباب وانتعاش الأسواق وزيادة جذب الاستثمارات للسوق المصري.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
