الدولة أخذت قرار جديد، وللاسف القرار ده هيكون صدمة للمصريين قبل عيد الأضحى المبارك.. ياتري ايه و القرار ده وليه هيكون صدمه للمواطنين.. وهل في فئات مش هتضرر منه.
من فترات طويلة والحكومة بتقر زيادات جديدة علي أسعار الخدمات اللي بتقدمها للمواطنين، ولكن المرة دي هتكون الزيادة في حاجة جديدة بتمس عدد كبير من المواطنين وهو الغاز الطبيعي واللي الحكومة اقرت زيادات جديدة في أسعار وهتبدأ تطبيقها من النهاردة، وطبعا الغاظ الطبيعي بقي حاجة أساسية ومهمة في كل بيت مصر، ودلوقتي في اسئلة كتيرة الناس طرحتها وهيا هل الزيادة الجديدة هتؤدي لزيادة أسعار اسطوانات الغاز.
السؤال ده واسئلة كتيرة بتدور في ذهب المواطن المصري وجاوب عنها الحكومة ممثلة في وزارة البترول والثروة المعدنية واللي اعلنت انه هيتم تطبيق زيادات جديدة في اسعار الغاز الطبيعي، والزيادة الجديدة هتمس كل الشرائح وهيوصل معدل الزيادة في اـلشريحة الأولى واللي هيا من 0 إلى 30 متر مكعب من 3 إلى 4 جنيه للمتر المكعب، والشريحة الثانية واللي هيا من 31 إلى 60 متر مكعب وهتوصل معدل الزيادة فيها من 4 إلى 5 جنيه للمتر المكعب، والشريحة الثالثة واللي هيا أكثر من 60 متر مكعب وهتوصل معدل الزيادة فيها من 5 إلى 6 جنيه للمتر المكعب.
قرار زيادة أسعار الغاز الطبيعي واللي بدأ تطبيقه النهاردة مش هو الأول ولا هيكون الأخير خصوصا ان مصر عندها التزام حكومي بزيادة اسعار الخدمات اللي بتقدمها للمواطنين وده كانت واحدة من البنود اللي اتفقت عليها مصر مع صندوق النقد الدولي لخفض الدعم الحكومي اللي بتقدمه الدولة للسلع والخدمات اللي بيحصل عليها المواطنين.
طيب هل كان في زيادات قبل كده في اسعار الغاز الطبيعي؟.
ايوة طبعا، الحكومة في شهر سبتمبر 2024 اقرت زيادات في أسعار الغاز الطبيعي ووصل معدل الزيادة وقتها لقيم بتتراوح بين 40 و100 قرش للمتر الواحد وعلي حسب كل شريحة، ووقتها ارتفعت أسعار الشريحة الأولى من 2.60 إلى 3 جنيه، والشريحة الثانية ارتفعت من 3.35 إلى 4 جنيه، واخيرا الشريحة الثالثة ارتفعت من 4 إلى 5 جنيه.
نيجي بقي للسؤال المهم اللي بيشغل بال ناس كتير جدا من الشعب المصري، وهو هل الزيادة دي هتؤدي لزيادات جديدة في اسعار انبوبة الغاز المنزلي، والسؤال ده جاوبت عليه وزارة البترول واللي نفت الكلام ده تماما وقالت أن تسعير انبوبة البتوجاز بتكون مع اسعار المواد البترولية واللي تم زيادتها بالفعل خلال الوقت اللي فات، وأن الفترة الحالية مش هيحصل اي زيادات جديدة لا في اسعار المواد البترولية ولا في اسعار اسطوانة الغاز، وان لجنة تسعير المواد البترولية هتعقد اجتماعها اللي جاي علشان تناقش الاسعار الجديدة للمواد البترولية في شهر أكتوبر اللي جاي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
