الجنيه راجع لأمجاده.. شوف سر ريمونتادا الجنيه المصري قدام الدولار

الجنيه المصري في الفترة اللي فاتت عمل ريمونتادا عالمية وبدأ يستعيد قوته.. يا ترى اية سر الارتفاع المفاجئ في سعر صرف الجنيه المصري.. واية المتوقع لسعر صرف الجنيه المصري خلال الشهور اللي جاية.

مع نهاية الاسبوع اللي فات، وسعر صرف الجنية المصري يرجع يكون قوي لأول مرة من شهور طويلة سعر صرف الدولار يكون اقل من 50 جنيه، وده حاجة كبيرة جدا بتاكد علي استعادة الجنيه المصري لقوته مرة تانية قدام العملات الأجنبية، وطبعا الزيادة الأخيرة في سعر صرف الجنية المصري قدام العملات الأجنبية لها اكثر من سبب.

أول سبب لارتفاع صرف الجنية المصري، هيا الاستثمارات الكبيرة اللي دخلت للسوق المصري خلال الفترة اللي فاتت خصوصا بعد الحوافز والتسهيلات الكبيرة اللي قدمتها الحكومة لدخول المستثمرين واصحاب رؤوس الأموال الأجنبية للسوق المصري، وده طبعا بيكون لها عائد مباشر علي زيادة الصادرات المصرية من المنتجات والسلع، ده غير أن بيكون لها عائد مباشر تقليل قيمة الفاتورة الاستيرادية وتقليل استنزاف الموارد الأجنبية لاستيراد السلع والاحتياجات اللي بيحتاجها المواطن المصري.

تاني سبب لزيادة سعر صرف الجنية المصري قدام العملات الأجنبية هيا الارتفاع الكبيرة في الاحتياطات الأجنبية في البنك المركزي واللي ارتفعت لأعلي مستوي لها في التاريج وسجلت  48.144 مليار دولار بنهاية شهر أبريل اللي فات مقابل 47.757 مليار دولار في شهر مارس 2025، بزيادة 387 مليون دولار.

سبب مهم من اسباب ارتفاع احتياطات البنك المركزي هو القرار الجرئ اللي اخذه البنك في مارس  لما قرر تحرير سعر الصرف في مصر بشكل مرن، والقرار ده كان اهم سبب في عودة تحويلات المصريين العاملين بالخارج للقنوات الرسمية في البنوك، واللي هيا كمان حققت رقم قياسي وسجلت قفزة تاريخية غير مسبوقة، وارتفعت بمعدل 72.4% وسجلت 32.6 مليار دولار، ده غير أنها قضت علي السوق السودا في التجارة بالعملات في مصر واللي كانت للاسف بتستنزف كل العملات الأجنبية اللي موجودة مع المواطنين خصوصا اسر واهالي المصريين العاملين بالخارج.

ثالث سبب لزيادة سعر صرف الجنية المصري هو دخول نسبة كبيرة من الأموال الساخنة للاقتصاد المصري، ودي بتساعد الحكومة علي الوفاء بالتزاماتها الخارجية وسداد الديون وفوايدها.