إزاي البنك المركزي بقيادة حسن عبدالله قدر يعيد بناء الاحتياطي النقدي لمصر في ظرف 3 سنين بس؟ وإزاي الاحتياطي وصل لأرقام قياسية غير مسبوقة ؟ وايه الموارد المحلية من العملة الأجنبية اللى ساهمت في تحقيق الانجاز الكبير ده؟
مصر كانت بتواجه تحديات اقتصادية كبيرة وكان الكلام كله عن نقص الدولار.. الاحتياطي النقدي كان بيخلص.. والبلد كانت بتعاني لكن دلوقتي المشهد اختلف تماماً.. البنك المركزي المصري بقيادة حسن عبدالله أعلن عن وصول الاحتياطي النقدي لمستوى قياسي وتاريخي رقم محصلش قبل كده.
الإنجاز ده بيثبت إن خطة الدولة ماشية على الطريق الصح.. وإن كل القرارات اللي اتخذت كان ليها هدف واحد.. وهو إنها ترجع ثقة المستثمر في الاقتصاد المصري.
طب إزاي حصل ده؟
السر هنا هو إن البنك المركزي اعتمد على مصادر محلية.. من جوه البلد.. ودي هي اللي ساهمت في الإنجاز الضخم ده.. مش بس القروض أو الاستثمارات الأجنبية.
أول حاجة قطاع السياحة رجع أقوى من الأول.. بعد ما كان بيعاني لفترة طويلة.. دلوقتي مصر بتستقبل أعداد كبيرة جداً من السياح.. مش بس من الدول العربية.. لأ.. من كل حتة في العالم.. السائح لما بيجي مصر بيصرف دولار.. وده طبعاً بيدخل البلد.. فكل دولار بيصرفه السائح بيعتبر إضافة مباشرة للاحتياطي النقدي.
كمان المصريين اللي شغالين بره بيبعتوا فلوسهم لبلدهم.. التحويلات دي مصدر مهم جداً للعملة الصعبة.. وبما إن المصريين بيثقوا في اقتصاد بلدهم دلوقتي.. زادت تحويلاتهم بشكل كبير.. وده طبعاً كان له تأثير مباشر على الاحتياطي النقدي.. لإن المليارات اللي بتيجي من بره دي بتدخل بشكل مباشر في البنوك المصرية.
بالاضافة الى ان الاستثمار الأجنبي المباشر رجع تاني بقوة.. الأجانب بقوا بيستثمروا في مصر أكتر.. وده بسبب التسهيلات اللي قدمتها الدولة للمستثمرين.. والثقة اللي رجعت في الاقتصاد.. المستثمر لما بيجي مصر بيجيب معاه فلوسه بالعملة الأجنبية.. وده بيزود الاحتياطي النقدي بشكل كبير.
الإنجاز اللي حققه البنك المركزي فى ملف الاحتياطي النقدي بيعكس قوة الاقتصاد المصري.. وقدرته على الاعتماد على نفسه.. وعلى مصادره المحلية.. ده كمان بيدي رسالة قوية للعالم كله.. إن مصر ماشية على الطريق الصح.. وإنها قادرة تواجه التحديات الاقتصادية الكبيرة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
