كلنا عارفين ان في انخفاض كبير في إيرادات قناة السويس ، بس برضوا في شغل تاني الدول بتعمله علشان تزود الإيرادات.. ياتري اية اللي بتعمله الحكومة علشان تزود إيرادات قناة السويس.. والدولة مستهدفة توصل بالايرادات لكام.
قناة السويس واللي بتعد أهم مصدر ملاحي في العالم واهم مصدر للدخل الدولاري لمصر من الخارج إيراداتها للاسف اتاثرت وبشكل كبير جدا بسبب التوترات الموجودة في منطقة الشرق الأوسط واللي بدأت تحديدا من يوم 7 اكتوبر 2023، ومن يومها وحتي الان في أرقام دولارية كتيرة راحت علي مصر كانت لو دخلت الناتج القومي كانت هتغير شكل الاقتصاد المصري بشكل كامل.
طيب التأثير اللي جه علي قناة السويس وصل لكام ؟.
في 2023، قناة السويس حققت إيرادات وصلت لـ 10.25 مليار دولار، بس بعد اشتعال التوترات الجيوسياسية، الأرقام اللي حققتها القناة واللي كانت مرشحة للزيادة للاسف تراجعت الي 3.99 مليار دولار في 2024 بسبب الأحداث الأخيرة واللي لسه مستمرة حتي وقتها ده.
السبب الرئيس في انخفاض إيرادات قناة السويس كان بسبب ان حركة الملاحة البحرية في القناة قلت لأقل من النصف، وعدد السفن اللي عبرت القناة في 2024 كان حوالي 13 الف و 213 سفينة مقارنة بـ 26 الف و 434 سفينة عبرت القناة في 2023، والخسائر الشهرية من انخفاض الإيرادات وصلت تقريبا 800 مليون دولار شهريا.
في ظل التراجع الكبير اللي حصل في إيرادات القناة الدولة متوقفتش ولا فضلت محلك سر، لا ده حصل شغل كتيرة جدا علشان نعوض الخسائر اللي حصلت أو حتي جزء منها وكانت البداية بطرح تخفيضات مؤقته علي رسوم عبور سفن الحاويات الكبيرة، والتخفيص ده وصل لـ 15٪ علي رسوم العبور لسفن الحاويات اللي صافي تحميلها 130 الف طن أو أكثر، والخصم بدأ من 15 مايو 2025 ولمدة 90 يوم تقريبا، وبعد ما المدة دي خلصت الدولة قررت مد العمل يالنخفيصات الجديدة لحد نهاية شهر ديسمبر اللي جاي بنفس شروطه للسفن الكبيرة.
تاني خطوة أخذتها القناة لتعويض جزء من خسائر الإيرادات والاستعداد لعودة التشغيل بشكل كامل وهيا توسعة القناة وتحسين البنية التحتية، وتشغيل قناة السويس الجديدة واللي سمحت للدولة بتشغيل القناة في الاتجاهين.
في حاجة مهمة كمان الدولة قامت بيها وهيا تحويل قناو السويس من مجري ملاحي الي هيئة اقتصادية كاملة والترويج اللي حصل للمنطقة في كل دول العالم بهدف جذب استثمارات جديدة، وده اللي خلي الإيرادات اللي حققتها الدولة منوالمنطقة الاقتصادية ترتفع بنسبة 38% في السنة المالية اللي فاتت، بالرغم من انخفاض حركة عبور السفن في القناة، والهيئة الاقتصادية لقناة السويس تحولت لمنطقة صناعية وخدمية ولوجستية وتحولت لوجهة استثمارية لكل المستثمرين حوالين العالم.
الشغل اللي بتقوم بيه الدولة لزيادة إيرادات قناة السويس متوقفش علي كده بس، لا حاجات كتيرة جدا الدولة لسه شغاله عليها وهتظر خلال الوقت اللي جاي وفي دراسات بتعملها الدولة لعمل توسعات جديدة تشمل استكمال القناة الثانية، توسيع وتعميق أجزاء معينة لتمكين مرور سفن أكبر أو أكثر.
الدولة بتستهدف كمان تحويل القناة والمنطقة المحيطة بها لمركز لوجستي وتجاري وزيادة المناطق الصناعية وتقديم خدمات لوجستية جديدة والتوسع في المساحات المخصصة لإعادة تصدير والتخزين والتجميع شحنات وده كلها خدمات برسوم كتيرة نتدخل في الناتج القومي.
كمان الدولة بتعمل حملات لتنويع الشحنات وتحفيز كل انواع الشركات حوالين العالم للمرور من خلال قناة السويس، والعبور خلال الوقت اللي جاي مش هيكون مقتصر علي سفن الحاويات الكبيرة بس، ده في دراسات لجذب وتشجيع عبور سفن البترول والغاز المسال والبضائع العامة والشحنات المتخصصة، وفي تسهيلات كبيرة هتقدمها للمستثمرين علشان تحفزهم علي العبور من المجري الملاحي للقناة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
