خلاص الحكومة حسمت الأمور ومفيش زيادات جديدة في أسعار شرائح الكهرباء.. ياتري ليه الدولة رفضت زيادة أسعار شرائح الكهرباء.. والدولة هتعوض فرق الأسعار ازاي .. وليه الدولة رفضت زيادة الأسعار في الوقت الحالي.
من فترات طويلة اتعودنا أنه مع نهاية كل سنة مالية بتحصل زيادات جديدة في خدمات كتيرة بتقدمها الحكومة للمواطنين، وده ضمن خطة الدولة لرفع الدعم، واحدة من الحاجات اللي الدولة رفعت فيها الأسعار أكثر من مرة هيا أسعار شرائح الكهرباء، واللي المفروض كانت الدولة انتهت من فترة من تحرير سعر بيعها للمواطن المصري ويك ن رفعنا عنها الدعم بشكل كامل .
من كام ساعة كان في مؤتمر صحفي مهم لرئيس مجلس الوزراء الدكتور مصطفى مدبولي واللي اتكلم فيه عم كل النواحي الاقتصادية اللي موجودة في الاقتصاد المصري، والتحديات اللي بتواجههنا وخطط الدولة لزيادة إنتاجية القطاعات المصرية في الناتج القومي المصري، وخطة استمرار للسيطرة علي معدلات التضخم والتعامل مع ملف الدين العام .
واحدة من النقط المهمة اللي اتكلم عليها رئيس مجلس الوزراء في المؤتمر الصحفي هيا أسعار شرائح الكهرباء، ورئيس مجلس الوزراء قال إنه مش هيكون في زيادة في أسعار شرائح الكهرباء، وأنه الدولة معندناش نية تماما لزيادة الأسعار في الوقت الحالي، وده ضمن خطة الدولة لرعاية الفئات الاولي بالرعاية ورعاية محدودي الدخل، ولضمان الحفاظ علي إنخفاض معدلات التضخم.
طيب اية حكاية الأسعار الجديدة لشرائح الكهرباء دي ومين اللي حددها ؟.
علي مدار الأسابيع اللي فاتت جهاز تنظيم مرفق الكهرباء وحماية المستهلك كان عنده إجتماعات مستمرة لحسم خطة تسعير شرائح الكهرباء الجديدة، وفعلا الجهاز انتهي من خطة التسعير الجديدة للشرائح ورفعها الي الشركة القابضة لكهرباء مصر واللي رفعتها الي وزارة الكهرباء والطاقة المتجددة واللي راجعتها كويس قوي ورفعتها الي مجلس الوزراء للنظر فيها ط، خصوصا انه هو صاحب القرار النهائي في اعتماد التسعير الجديد من تأجيل تطبيقه ده اللي حصل.
خطة تسعير شرائح الكهرباء الجديدة واللي كانت مقترحة من وزارة الكهرباء والطاقة المتجددة كان السبب الأهم فيها واللي عليها الوزارة كانت عايزة ترفع الأسعار هيا إرتفاع تكاليف التشغيل من غاز طبيعي ومازوت وقطع غيار لمحطات التوليد وشبكات نقل الكهرباء والتكاليف دي أغلبها بيكون بالدولار، وكان لازم الدولة تتجه لرفع الأسعار علشان تعوض الفروق اللي موجودة.
الخطة المقترحة لزيادة أسعار شرائح الكهرباء كانت بتتضمن زيادة أسعار الشرائح من 15 الي 25% للشرائح الاولي، وكانت هتوصل لـ 45% للشريحة السابعة واللي هيا استهلاكها اعلي من 1000 كيلووات ودي شريحة خارج الدعم اصلا وبيكون حسابها بتكلفة الإنتاج ودي بتتحاسب حاليا بسعر التكلفة واللي بيوصل لـ223 قرش .
مع بداية السنة المالية الحالية الدولة رفعت الدعم المخصص لقطاع الكهرباء الي 75 مليار جنية، وكان الهدف من رفع الدعم ده هو تأجيل إقرار اي زيادات جديدة في أسعار الشرائح علي المواطنين.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
