لما يبقى عندك دولة قوية ببنك مركزي قادر يدعم المتفوقين، يبقى مفيش طالب هيخاف على حلمه بسبب الظروف.. النهاردة مش بس بنتكلم عن تعليم، إحنا بنتكلم عن كرامة وطنية ورسالة واضحة، مصر مش محتاجة المعونة الأمريكية، مصر عندها مؤسساتها بقيادة البنك المركزي القادرة على رعاية شبابها.
البنك المركزي المصري بقيادة المحافظ حسن عبد الله، ووزارة التعليم العالي برئاسة الدكتور أيمن عاشور، وقعوا بروتوكولين مهمين جدًا النهاردة.
الأول: منح شاملة للطلاب المتفوقين غير القادرين، بتمويل يغطي كل المصروفات من دروس وسكن وحتى معيشة، مع أولوية لأبناء المحافظات الحدودية وذوي الهمم.
وده مش بس دعم اجتماعي، ده استثمار مباشر في العقول اللي هتقود التنمية المستدامة في مصر.. والبنك المركزي ما وقفش عند كده، أطلق حساب بنكي موحد في كل البنوك علشان أي مواطن أو مؤسسة يقدر يشارك في المبادرة، وده ضمان إن المشروع يستمر ويكبر مع الوقت.
" title="مش محتاجين معونة البنك المركزي يفتح باب الأمل للطلاب المتفوقين" frameborder="0">
أما البروتوكول التاني، فده رسالة قوية جدًا، بعد توقف برنامج المعونة الأمريكية اللي كان بيمول 846 طالب، الدولة قالت كلمتها: مش محتاجين معونة، عندنا بنك مركزي بيكمل الطريق.
البروتوكول هيتكفل بكل مصروفات الإعاشة والإقامة لهؤلاء الطلاب سواء في الجامعات الحكومية أو الخاصة أو حتى الأهلية والدولية داخل مصر.
البنك المركزي أثبت إن دوره مش بس حماية الاقتصاد والسياسة النقدية، لكن كمان حماية مستقبل شباب مصر… المبادرة دي بتقول للعالم: مصر بتبني ذاتها بذاتها، وبتستثمر في أغلى ما تملك عقول أولادها.
المستقبل مش مرهون بدعم خارجي، المستقبل في إيدينا، ومن النهاردة مش هيقف قدام المتفوقين أي عائق، لأن البنك المركزي هو السند والراعي الحقيقي لطموحاتهم.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
