خلال الأيام اللي فاتت، انتشر على السوشيال ميديا جدل واسع بعد ما ظهر العيش البلدي المصري على رفوف سلسلة المتاجر الشهيرة "تريدر جوز" في الولايات المتحدة.
الكيس اللي وزنه 400 جرام بيتباع هناك بـ 2.49 دولار، وبيختفي من الرفوف في أقل من ساعة من عرضه يوميا.
االقصة بدأت بفيديو نشره شاب مصري وثّق وجود الخبز البلدي في المتجر، ومن هنا بقى حديث الساعة.. ناس كتير من الجالية المصرية شاركوا صور وفيديوهات، وبعضهم لقى الرف فاضي تمامًا بسبب الإقبال الكبير.
لكن المفاجأة الأكبر كانت من المستهلك الأمريكي نفسه: أمريكان كتير جربوا الرغيف وكتبوا تعليقات زي "لذيذ جدًا وطعمه رائع.. ينفع للشطائر"، وبعضهم اعتبره خيار صحي وأصيل بين المخبوزات العالمية زي الكرواسون الفرنسي والتوست الأمريكي.
الناس بتقول إن في شركة مصرية وراء الإنجاز ده وقدرت تحقق مكاسب ضخمة بتشتري طن القمح في مصر بحوالي 14 ألف جنيه، وبعد التصنيع والتجهيز والتجميد بتصدره في كونتينرات لأمريكا، وهناك بيتباع الطن بأكتر من 325 ألف جنيه.
يعني ببساطة.. العيش المصري دخل منافسة مباشرة مع أشهر المخبوزات العالمية.. وفاز.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
