مصر تحولت لسوق تجاري مهم لكل شركات الإستثمار الأجنبية والمرة دي من الهند وفي شركات جديدة هتدخل الاقتصاد المصري.. ياتري اية حكاية الشركات دي وآية دورها في تنمية الاقتصاد المصري.
التسهيلات والتحفيزات اللي قدمتها الحكومة للشركات والاستثمارات الأجنبية خلت مصر سوق مهم وحيوي ومستهدف لكل الاستثمارات الأجنبية، وكل المستثمرين حاليا عينهم علي مصر وبيحاولوا يشوفوا فرصة علشان يبنوا مصنع في مصر ويستفادوا من التحفيزات الكتيرة اللي بتقدمها الحكومة للمستثمرين.
طيب اية حكاية الاستثمارات الهندية الجديدة اللي هتدخل السوق المصري وآية مجالاتها ؟.
خلال السنين اللي فاتت مصر قدرت أنها تستقطب جزء كبير جدا من الاستثمارات الأجنبية والمرة دي في استثمارات جديدة من الهند هتدخل السوق المصري، وفي الكام شهر اللي فاتوا في اكثر من شركة هندية عملت زيارات للسوق المصري علشان يتعرفوا علي المجالات المتاحة للاستثمار في السوق المصري والأماكن اللي ممكن يبنبوا فيها مصانعهم.
الزيارة اللي نظمتها عدد كبير من كبري الشركات الهندية للسوق المصري بحث سبل وطرق الإستثمار في مصر في مجالات الصناعات الكيماوية والأسمدة والأدوية والطاقة المتجددة والهيدروجين الاخضر وتكنولوجيا المعلومات وخدمات التعهد والمنسوجات والملابس الجاهزة.
السر الحقيقي ورا دخول الشركات الهندية للسوق المصري هو استغلال الميزة التنافسية لتصنيع الكيماويات والأسمدة في مصر واللي بتوفر مصادر الطاقة والمواد الخام ده غير الاتفاقيات التجارية اللي بتربط مصر مع اسواق العالم .
لازم تكون عارفين ان الهند بتعد من أكبر الدول اللي ليها استثمارات في مصر وعندنا ما يقرب من 55 شركة هندية شغالة في مصر باستثمارات بتفوق 4 مليار دولار، وبتقدم فرص عمل لـ38 الف مصري مباشرة وغير مباشرة، وبتساهم بأكثر من مليار دولار سنويا من الصادرات المصرية.
خلال السنة المالية اللي فاتت 2024/2025، الشركات الهندية استثمرت ما يقارب 175 مليون دولار، في عدد كبير من المناطق الصناعية أهمهم المنطقة الاقتصادية لقناة السويس في عدد كبير من المشروعات زي الاسطوانات والأسمدة، وفي خطط موجودة حاليا لإنشاء مصنع أسمدة جديد بقيمة 600 مليون دولار، ده غير الاتفاقيات الموجودة بين الشركات الهندية والحكومة المصرية لبناء محطات للهيدروجين الأخضر واللي هيكون باستثمارات هتوصل لـ8 مليار دولار لإنتاج 20 ألف طن سنويًدا، وفي خطط للتوسع في الإنتاج علشان نوصل لـ 200 ألف طن سنويا.
الشراكة اللي موجودة بين مصر والهند مستهدف منها رفع الاستثمار الهندي في مصر لـ 5 مليار دولار في 2027، وده من خلال تعزيز التعاون وتشجيع دخول الشركات للجديدة في مجالات زي الطاقة المتجددة والتكنولوجيا والرعاية الصحية والصناعات الهندسية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
