كشف أحمد نبيل كوكا نجم وسط النادي الأهلي تفاصيل خناقته مع والده بسبب رفض الأخير رحيله عن القلعة الحمراء خلال الموسم الماضي بعدما ظل حبيس مقاعد البدلاء لفترة طويلة.
وقال نبيل كوكا خلال استضافته ببرنامج ملعب أون تايم رفقة الإعلامي أحمد شوبير: «والدي كان بيتفرج على فريق 2001 حتى ولو أنا مش موجود مع الفريق عشان كده الناس بيحبوه جدا هناك».
نبيل كوكا: تلقيت عروض عديدة وتابع: «جالي أكثر من إعارة وأنا في الناشئين ووالدي رفض السنة اللي فاتت اتخانق معايا خناقة كبيرة عشان مكنش عايزني اطلع من الأهلي، كان عندي حماس وعايز ألعب وقالي لو هتقعد السنة كلها دكة برضه مش هتطلع وهتلعب، ولكن لازم تصبر عشان تحصل على فرصتك، وكان كلامه صح فعلا، وحصل اللي قالي عليه بالحرف».
وظهر أحمد نبيل كوكا رفقة النادي الأهلي في بطولة كأس العالم للأندية، وقدم مردود جيد تسبب في انضمامه للمنتخب الوطني، إلا أن الإصابة أبعدته عن المشاركة في بطولة أمم أفريقيا، ليتواجد بدلا منه مهند لاشين.
