كشف محمد مجدي أفشة لاعب الأهلي، تفاصيل الظلم الذي تعرض له خلال الموسم الماضي في الفريق، وعدم خوضه أي دقيقة في 5 مباريات متتالية رفقة مارسيل كولر الذي استبعده من المباريات، قبل منحه الفرصة من جديد.
أفشة: جلست 5 مباريات بدون المشاركة في أي مباراة
وقال «أفشة»، خلال استضافته ببرنامج «الكابتن»، رفقة الإعلامي أحمد حسن عبر قناة «dmc»:« القصة دي لأول مرة أحكيها ومفيش مخلوق يعرفها غير لاعبي النادي الأهلي فقط، العام الماضي جلست 5 مباريات مش بشارك في أي مباراة، وفي مرة من المرات وبعد تمرين لينا خلص الساعة 5 قررت أقعد مع نفسي لحد الساعة 10 أنا قاعد لوحدي في الملعب، الوحيد اللي شافني الطبيب النفسي وفضلت أعيط كتير جدا، طبيب الأهلي النفسي طلعلته كل اللي جوايا وقلتله ياريت محدش يعرف حاجة عن الأمر ده».
وتابع:« طبعا قرار عدم مشاركتي كان وجهة نظر؛ لكن مكنتش مُقصر نهائيا وكنت حاسس إني مظلوم وقتها جدا ودي كانت من أصعب الحاجات اللي حصلتلي في الأهلي بكل صراحة».
