حذرت الفنانة إنجي وجدان متابعيها من التعامل مع شركة أثاث شهيرة تنصب على عملائها على غرار ما حدث مع شقيقها.
وقالت «إنجي» في فيديو عبر صفحتها الشخصية على موقع «فيسبوك»: «شركة أثاث أخدت فلوس من أخويا، وعملاء كتير، وبعدين قفلوا كل وسائل التواصل».
وأضافت: «عاملة الفيديو ده تحذيري علشان فيه كذا حد واقع في نفس المشكلة، الشركة دي شركة بتاعت أثاث، المهم الشركة دي أخويا أتعاقد معاهم على أوضة يعملوها له في شهر 6 اللي فات، وفضلوا يكلموه لغاية ما أخدوا 90% من تمنها، وقعدوا يماطلوا ولحد دلوقتي مسلمهوش حاجة ولا رجعوله فلوسه، ودايما أعذار ملهاش لازمة».
وأكملت: «أخويا قعد معاهم كذا مرة، وفجأة قفلوا ومش بيردوا، لكنه عرف يوصل للشركاء»، كما ذكرت الفنانة الشهيرة مجموعة من الشركاء المالكين للشركة، إلا أن كل شخص منهم تهرب من العملاء على حد وصفها، متحدثة عن أسماء بعض شركات الأثاث المالكين لها نفس الأشخاص.
وأضافت: «بيحاولوا يساوموهم بعروض وهمية، زي كتابة شيك للعميل بنصف الثمن، وفيه مجموعة من العملاء رايحين يتقدموا بشكوى رسمية ضدهم»، مشيرة إلى ضرورة تجنب الانخداع بالأشكال الجذابة للأثاث المنزلي على السوشيال ميديا، ومحاولة شرائه من هؤلاء الأشخاص.
