اتهمت المذيعة آلاء عبد العزيز طليقها بابتزازاها عن طريق نشر رقم هاتفها وصورها على مواقع إباحية.
وقالت آلاء عبد العزيز على حسابها بـ«فيس بوك»: «فجأة لقيت رقم غريب اتصل عليا كتير أوي، الساعة 2 بعد منتصف الليل، ولقيت واحد بيقول لي إنه رقمي وصوري موجودة على موقع مش كويس، وبرضه رسائل كتير جات لي على الواتس آب».
وأضافت: «كلمت المحامي بتاعي فوراً، سألته عن المشكلة دي، طلب مني تغيير الأرقام، وكذا حد تاني قالي نفس الكلام، أغير رقمي وأسكت».
وأوضحت أن هذه الحادثة حصلت بعد ساعاتٍ قليلة من حوارها مع فتاة تُدعى «صفاء» استغاثت من خطيبها بعد نشره صوراً لها عبر مواقع إباحية، لحين استعادته للشبكة.
واستطردت: «مش هقعد أدافع عن البنات دي، ولما تحصل لي نفس المشكلة هسكت، لأ أنا قررت أتكلم، ومش شايفة إن ده شيء مُعيب لي، أنا معملتش حاجة، أنا قاعدة في أمان الله لقيت الناس بتتصل عليا بتقولي الصور والأرقام».
واختتمت: «لديَّ ثقة كاملة في القضاء المصري أن حقي هيجي لي أنا وكل البنات اللي اتعرضوا لنفس الأزمة، خصوصاً إن فيه بنات نفوسها ضعيفة وبيجيلهم اكتئاب وبيتخلصوا من حياتهم».
