كل واحد هياخد شقته متشطبة في الطرح الجديد لشقق "سكن لكل المصريين 7"، واللي هتكون في عدد كبير من المحافظات، بس إزاي هيكون التقديم فيها وشروطها إيه؟.. ويا ترى هيكون أسعارها إيه؟.. وهل المساحات بتاعتها هتكون مرضية للجميع؟
الناس كلها منتظرة ومترقبة حجز وحدات الإسكان الاجتماعي، في الطرح الجديد من سكن لكل المصريين 7 واللي هتكون لمحدودي الدخل، واللي بتضم أكتر من 100 ألف شقة في عدد من المحافظات والمدن الجديدة.
المهندس شريف الشربيني وزير الإسكان زف بشرى للمصريين عن تفاصيل الطرح الجديد من المبادرة الرئاسية "سكن لكل المصريين 7" واللي هتكون للمواطنين منخفضي الدخل، وده طبعا ضمن توجيهات الرئيس السيسي بطرح 400 ألف وحدة سكنية.
تفاصيل الشقق الـ101 ألف كانت مفاجأة للجميع، واللي هيتم طرحها لمنخفضي ومتوسطي الدخل ضمن وحدات الإسكان الأخضر، واللي هيبدأ التقديم فيها اعتبارا من 8 يوليو 2025 ولحد 7 أغسطس من نفس السنة، وده بنظام التخصيص الإلكتروني العشوائي.
بس هل الطرح ده لكل الناس؟
الطرح الجديد هيكون للعملاء القدام اللي قدموا في إعلان "سكن لكل المصريين 5" وبس، واللي هما كانوا خارج الأولوية أو غير منطبق عليهم الشروط، واللي سحبوا مقدم جدية الحجز في المدة المحددة لذلك، لكن بشرط انطباق محددات الإعلان الحالي على طلباتهم، على أن يتم فرز طلبات العملاء المتقدمين وتحديد المنطبق وغير المنطبق عليهم الشروط، وبعدها هيتم تلقي طلبات التظلم من المواطنين غير المنطبق عليهم الشروط، ليتم تحديد الموقف النهائي لملفات المتقدمين وتحديد العملاء اللي هيتم التعامل مع طلباتهم.
طيب فين الأماكن اللي هيتم فيها الطرح الجديد؟
الطرح الجديد هيكون في مدن اﻟﻌﺑور اﻟﺟديدة، واﻟﻌﺎﺷر من رمضان، وﺣداﺋﻖ اﻟﻌﺎﺻﻣﺔ، و15 مايو، وأخميم الجديدة، وأﺳوان اﻟﺟديدة، وأكتوبر الجديدة، والسادات، وبدر، وطيبة، وبرج العرب، وسوهاج الجديدة، وقنا الجديدة، والمنيا الجديدة.
كمان هيتضمن الطرح وحدات سكنية بعدد من المراكز بمحافظات، أسوان، وأسيوط، والأقصر، والجيزة، والفيوم، والمنيا، والمنوفية، وسوهاج، وقنا، ودمياط، والبحر الأحمر، والدقهلية، والوادي الجديد، ومطروح، والبحيرة، واللي هتكون بمساحات ما بين 75 متر و90 متر.
طب نظام الدفع هيكون إيه؟
الدفع في إعلان "سكن لكل المصريين 7" هيكون بنظام التمويل العقاري بفايدة 8% كل سنة للمواطنين منخفضي الدخل، و12% سنوية لمتوسطي الدخل ولمدة 20 سنة.
طب هتدفع كام عشان تحجز شقتك؟
مقدم جدية الحجز لمنخفضي الدخل هيكون 50 ألف جنيه، ولمتوسطي الدخل هيكون 100 ألف جنيه، طبعا لأن حدود الدخل ضمن الإعلان للمواطنين من فئة متوسطي الدخل تبلغ 20 ألف جنيه شهريا للفرد كحد أقصى، و25 ألف جنيه شهريًا للأسرة كحد أقصى، أما فئة منخفضي الدخل فيبلغ الحد الأقصى للفرد 12 ألف جنيه شهريًا و15 ألف جنيه شهريا للأسرة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
