خطوة مهمة جدا مجموعة البريكس واللي مصر عضو فيها بتستعد لاعلانها هتكون ضربه مهمة للدولار .. يا ترى إيه هيا الخطوة دي وآية الفائدة اللي هترجع منها علي مصر.. وليه هتكون ضربة للدولار.
انضمام مصر لمجموعة البريكس واحدة من الخطوات الاقتصادية المهمة اللي أخذتها مصر خلال الوقت اللي فاتت خصوصا أن مصر مجموعة البريكس واحدة من أهم التكتلات اللي بتضم اكبر القوي الاقتصادية في العالم زي وروسيا والصين والهند وغيرها من الدول اللي انضمت مؤخرا للتكتل واللي أضافت قوة للمجموعة.
طيب اية الهدف اللي علي أساسه مجموعة تكتل البريكس ادشن ؟.
في أكثر من هدف علي أساسه انشئت مجموعة البريكس أهمهم إصلاح المؤسسات الدولية زيادة تمثيل الدول النامية في مؤسسات زي مجلس الأمن التابع للأمم المتحدة، وصندوق النقد الدولي، والبنك الدولي، بهدف إحداث توازن أعمق في النظام العالمي في مواجهة السياسات الغربية زي التعريفات الاحادية والتقييدات التجارية، ده غير تنسيق السياسات الاقتصادية والتجارية بين الأعضاء، وتخفيف التبعية على الدولار من خلال تشجيع التجارة بالعملات المحلية، وإنشاء نظم دفع بديلة.
في هدف مهم جدا كمان من تدشين تكتل البريكس وهو العمل على إصلاح النظام التجاري متعدد الأطراف، ودعم التنمية المستدامة، وتقديم نماذج تنموية بديلة عن النموذج الغربي السائد.
طبعا زي ما في أهداف اكيد طبعا في تحديات يتواجه تكتل البريكس خصوصا أن انشائه جاي علشان يواجه القوي الاقتصادية للغرب في منها اللي داخلي بين الدول الأعضاء في التكتل واهم التحديات دي هيا اختلاف كبير في طبيعة الأنظمة السياسية وده مخلي في صعوبة في التوافق على السياسات المشتركة بين الدول الأعضاء في التكتل.
في تحدي مهم كمان بيواجه تكتل البريكس وهو النزاع اللي بقي موجود بين الهند والصين، واللي كان له سبب مهم في اضعاف التنسيق الجماعي والتكامل الاقتصادي، ده غير دخول إيران في الصراع الإقليمي في الشرق الأوسط، ده طبعا غير الضغوط الغربية خصوصا من الولايات المتحدة الأمريكية واللي بتتابع خطوات بريكس وتهديدات ترامب بفرض تعريفات جمركية لمواجهة جهود تقليل الاعتماد على الدولار .
طيب هل ممكن اصدار عمله موحدة لدول البريكس ؟.
في جهود كبيرة قامت بيها الدول الأعضاء في تكتل البريكس لإطلاق عملة موحدة لدول التكتل وحتي الان مفيش اي اتفاق علي شكل معين علشان يكون هو العملة الموحدة للتكتل، ولكن في اتفاقيات ظهرت بين الدول الأعضاء في التكتل للتعامل بالعملات المحلية للدول وده كان ضربة مهمة لتخفيف الضغط علي الدولار الأمريكي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
