الأرز.. الأكلة اللي ما بيخلاش منها بيت مصري، سعره الفترة اللي فاتت حصل فيه مفاجأة حلوة.
رجب شحاتة، رئيس شعبة الأرز، قال إن الأسعار نزلت لأدنى مستوى من 3 سنين، والسبب؟ زيادة المعروض في السوق وتغير عادات الأكل عند المصريين اللي بقوا يميلوا للوجبات الجاهزة.
الأسعار دلوقتي بقت كده:
الأرز الشعير الرفيع الحبة بيتباع بين 12 و13 ألف جنيه للطن.
الأزر الشغير العريض الحبة بين 15 و16 ألف.
اما الأرز الأبيض الرفيع من 20 لـ21 ألف للطن.
وكمان الأرز الأبيض العريض من 25 لـ26 ألف.
يعني المستهلك كسبان في السعر، لكن في نفس الوقت المزارعين ممكن يتضرروا لو التراجع استمر، عشان كده الخبراء بينادوا بضرورة التوازن بين المستهلك والمنتج.
إنتاج مصر من الأزر السنة دي كمان وصل لـ6.6 مليون طن شعير، وقرابة 4 مليون طن رز أبيض، غير 400 ألف طن مخزون من السنة اللي فاتت.
الأرقام دي زودت المعروض ونزلت الأسعار، وكمان صادرات الرز المصري زادت 56% أول 5 شهور من 2025.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
