ليه الحكومة قررت تثبيت أسعار شرائح الكهرباء في مصر؟

في أخبار سعيدة جدا صدرت من الحكومة بخصوص اسعار شرايح الكهرباء.. والأخبار دي هتسعد كل الشعب المصري.. يا ترى اية هيا الاخبار دي وليه هتسعد الشعب المصري.

في الوقت الحالي كل الناس كانت منتظره صدور قرار من الحكومة بزيادة اسعار شرائح الكهرباء، خصوصا بعد قرار الحكومة بزيادة اسعار المواد البترولية في الفترة اللي فاتت، لكن الحكومة جهزة مفاجاة مهمة جدا للشعب المصري والمفاجاة دي أنه مش هيكون في زيادة في اسعار شرائح الكهرباء ومش في الفترة دي بس لا ده كمان لحد 2026.

طيب اية سر قرار الحكومة بتثبيت اسعار شرائح الكهرباء في مصر؟.
الموازنة الجديدة للدولة واللي الحكومة قدمتها لمجلس النواب، والمجلس وافق عليها وبشكل نهائي كان فيها بند مهم جدا بزيادة الدعم الحكومي الموجه للكهرباء لـ75 مليار جنية والدعم ده بيكون مخصص لتغطية استيراد المواد البترولية اللي بتحتاجها محطات توليد الكهرباء واللي الحكومة خلال الفترات اللي فاتت بدأت تستوردها من الخارج.
القرار الحكومي بزيادة الدعم المخصص لقطاع الكهرباء هيدعم قرار الدولة لرفض وجود اي زيادات جديدة في اسعار شرائح الكهرباء علي الاقل في الوقت الحالي خصوصا أن اسعار البترول نزلت وبشكل كبير في البورصة العالمية، وبالتالي الدعم ده هيغطي نسبة كبيرة من استيراد المواد البترولية من الخارج.

وعلشان نكون عارفين أن خطة تسعير شرائح الكهرباء في مصر المفروض تنتهي مع نهاية السنة المالية في مصر واللي هيا بتنتهي في شهر يونيو اللي جاي، وكان المفروض الحكومة تبدا في الوقت الحالي مناقشاتها للاسعار الجديدة لشرائح الكهرباء، والمناقشات دي بيقوم بيها جهاز تنظيم مرفق الكهرباء وحماية المستهلك.

شرائح الكهرباء الحالية واللي مصر بتطبيقها لاسعار الاستهلاك للقطاعين المنزلي والتجاري الحكومة اقرت العمل بيها في شهر اغسطس اللي فات، والدولة بعدها قامت بجهود كبيرة لمواجهة ظاهرة ارتفاع سرقة التيار الكهربائي علي الشبكة الموحدة للكهرباء، والجهود وفرت للحكومة أكثر من 8 مليار جنية، والجهود دي هتدعم قدرات الحكومة ممثلة في وزارة الكهرباء والطاقة المتجددة في دفع المتاخرات الموجودة عليها لوزارة البترول والثروة المعدنية والخاصة بالحصول علي الوقود والغاز الطبيعي والسولار لتشعيل محطات توليد الكهرباء.