مصر هتكون من اعلي الدول في السياحة، والسياحة هتحقق ارقام دولارية خيالية في الفترة اللي جاية.. ياتري الحكومة بتخطط أزاي لزيادة الاقبال السياحي علي مصر من الخارج.. واية مستهدفات الحكومة من القطاع خلال الفترة اللي جاية.
السياحة مستهدفة تحط قطاع السياحة والآثار في منطقة مختلفة وأنه يكون القطاع ايرادات في الناتج القومي المصري، خصوصا أن عوائد قطاع السياحة بتكون عوائد مباشرة وبتسمع بسرعة في الناتج القومي.
مصر في الوقت الحالي بتقوم بجهود كبيرة جدا لزيادة الحركة السياحية الوافدة لمصر، وبتحاول تكرر تجارب الدول الكبيرة زي اسبانيا واليونان واللي السياحة عندهم هو القطاع الأعلي في الايرادات الأجنبية، خصوصا أن مصر عندها ثروة من الآثار من موجودة في اغني دول العالم وكل الناس حوالين العالم عندهم الشغف أنهم يجيوا مصر ويقضوا اوقات جميلة بين اثارها القديمة ويشفوا عظمة الحضارة المصرية القديمة، وازاي المصري القديم قدر يعمل حضارية ملهاش مثيل في التاريخ بادوات بسيطة لحد الوقت الحالي العلم العظيم عجز عن تفسيرها.
طيب اية اللي بتعمله مصر علشان تطوير وتزود اعداد السائحين الوافدين لمصر؟.
الفترة اللي فاتت الحكومة عملت ثورة كبيرة علي الخدمات السياحية اللي بتقدمها الدولة للمسافرين والسائحين، خصوصا أن الخدمات دي هيا اهم حاجة بتفضل في ذاكرة السائح وبتكون أهم عامل رئيسي في قرار السائحين بالعودة مرة تانية لمصر في المستقبل.
في الساعات اللي فاتت الدكتور مصطفي مدبولي رئيس مجلس الوزراء عمل اكثر من اجتماع مع المجموعة الوزارية المعنية بحركة السياحة والطيران، وناقش الخطوات الخاصة بتيسير إجراءات دخول السائحين لكل المطارات والمنافذ المختلفة، بهدف مضاعفة أعداد السياح الوافدين وتحسين الخدمات المقدمة للسائحين الوافدين إلى مصر، وتطوير المنصة الخاصة بالتأشيرة الالكترونية والنهوض بالبنية التحتية والمرافق بمختلف المطارات وتحسين تجربة السائح بوجه عام.
التوجيهات اللي نقلها رئيس مجلس الوزراء للحكومة كلها تضمنت أن السائح لازم يحس بتغيير حقيقي وملموس في كل الإجراءات المُتبعة جوا المطارات والمنافذ المختلفة بداية من حصوله على التأشيرة، ومروراً بوصوله المطار وخروجه منه، بالاضافة الي ضرورة وحود تغيير كامل في تعامل كل الجهات معاهم خلال فترة وجودهم في مصر علشام نخلق تجربة مميزة تكون دافع للسائحين للعودة مرة تانية لمصر، ويكون السائحين اللي راجعين من مصر لبلادهم سفراء للترويج السياحي لمصر في الخارج.
الحكومة في الوقت الحالي بتناقش مقترح للحصول على التأشيرة العاجلة الكترونياً، بآليات تمكن حصول السائحين على التأشيرة وقت وصولهم للمطار من خلال خطوات سهلة وميسرة سواء من استخدام المنصة الإلكترونية أو تطبيق على الهاتف المحمول أو حتي عن طريق نقاط الخدمة الذاتية، والمنظومة الجديدة هتنطلق تجريبيا من مطار القاهرة الدولي وبعدين هتنتقل لـ7 مطارات تانيين في مصر والحكومة هتتوسع فيها لحد ما توصل لـ 14 مطار في مصر.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
