أسعار الذهب واحدة من الحاجات اللي شغاله الناس في الوقت الحالي خصوصا الناس المهتمة بالاستثمار.. هل ياترى أسعار الذهب هترخص تاني الأيام اللي جاية وهل ممكن أسعار تنخفض لـ 4 آلاف.
الناس كلها حاليا مهتمة بأسعار الذهب ويسأل اية السبب اللي يخلي أسعار الذهب ترتفع لـ 5 آلاف جنية لعيار 21 واللي هو الأكثر مبيعا وانتشارا في مصر خصوصا في القري والمحافظات وآية اللي يخلي الأسعار ترجع تنخفض تاني بأكثر من 250 جنيها للجرام، وفضل السؤال الاهم ياتري مستقبل الذهب رايح علي فين وهل الأسعار في طريقها للصعود ولا هتكمل انخفاض، وهل الوقت الحالي مناسب للشراء ولا مناسب للبيع.
الأسئلة الكتيرة دي واللي بتشغل بال ناس كتير في الشارع المصري خصوصا الناس المهتمة بالاستثمار في الأوعية الادخارية المختلفة سواء كان عقارات او ذهب أو شهادات ادخارية في البنوك، جاوبت عليها شعبة الذهب واللي أكدت أن الارتفاع الكبير اللي حصل في أسعار الذهب في مصر كان بسبب التوترات التجارية العالمية بسبب الرسوم الجمركية الأخيرة اللي فرضها الرئيس الأمريكي دونالد ترامب واللي عملت أزمة في البورصة العالمية وكان لها انعكاسات مباشرة علي كل الاستثمارات الباقة خصوصا الذهب واللي سعره ارتفع ووصل لارقام قياسية لاول مرة في التاريخ وسجلت سعر الأوقية لأكثر من 3500 دولار.
" title="استقرار أم ارتفاع شوف أسعار الذهب في مصر رايحة علي فين الفترة اللي جاية" frameborder="0">
الارتفاعات العالمية الكبيرة اللي حققها المعدن الأصفر واللي سببها اتجاه عدد كبير من البنوك المركزية واللي حولت جزء كبير من احتياطاتها النقدية الي ذهب بسبب التوترات والضغوط اللي بيعاني منها الدولار في الوقت الحالي، خلت الطلب العالمي علي المعدن الأصفر يرتفع لدرجات كبيرة، وده انعكس علي الأسعار في السوق المحلي عندنا هنا في مصر.
طيب اية سر التراجع الاخير اللي حصل في أسعار الذهب في مصر ؟
التراجع اللي حصل في أسعار الذهب سببه هدوء حده التوترات الاقتصادية الموجودة حاليا بين أكبر قوتين في العالم وهما الصين والولايات المتحدة الأمريكية خصوصا أن اعلان ترامب نيته تعليق الرسوم الجمركية علي الواردات والبضائع الصينية والرد الصيني اللي أعلنت عنه الإدارة الصينية بمناقشة علي إعفاء بعض الواردات الأمريكية من الرسوم الجمركية واللي بتوصل ل 125%، وفعلا الإدارة الصينية بدأت تتفاوض مع الشركات لتحديد السلع اللي ممكن تكون مؤهلة للاعفاء، الجديدة .
كل التحركات اللي بتقوم بيها السلطات في البيت الأبيض وبكين كان لهم اثر إيجابي على أسعار الذهب عالميا، ولكن الأسعار المستقبلية مش مضمونة خصوصا انها متعلقة باستقرار الأوضاع العالمية واللي هيا مرشحة للاشتعال من جديد في أي لحظة، علشان كده أسعار الذهب في مصر مش مضمون استقرارها حتي الآن.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
