يا ترى هل حصل جديد بخصوص رسوم انستا باي بعد قرار البنك المركزي بخفض أسعار الفايدة، هل ممكن رسوم إرسال الفلوس على التطبيق تقل ولا ممكن تزيد ولا هتفضل زي ما هي، وإيه علاقة القرار بالتطبيق؟
في الحقيقة، كتير من المصريين اللي بيستخدموا تطبيق "إنستاباي"، بيعملوا سيرش على حدود السحب من التطبيق بعد قرار البنك المركزي المصري بخفض سعر الفايدة 2.25 نقطة أساس، في تاني اجتماعل لجنة السياسات النقدية في 2025.
ولأن في اكتر من 11 مليون مصري بيستخدموا إنستاباي، فبيشغل بالهم دايما حدود السحب من التطبيق ، بعد تعديل الحد الأقصى للمعاملات اليومية والشهرية، والحد الأقصى للمعاملة الواحدة، وفق القواعد المنظمة لخدمات تطبيق المدفوعات اللحظية أو المنظومة الوطنية للمدفوعات اللحظية.
" title="بعد قرار المركزي بخفض الفايدة.. شوف حدود السحب من انستا باي" frameborder="0">
وفي آخر تحديث للبنك المركزي المصري، فبتتفاوت حدود السحب من تطبيق إنستا باي، بين الحد الأقصى للسحب للمعاملة الواحدة، واللي ممكن يوصل ل 70 ألف جنيه، والحد الأقصى للمعاملات في اليوم اللي بيوصل ل120 ألف جنيه، أما على مدار الشهر فلازم لا يتجاوز السحب مبلغ الـ 400 ألف جنيه.
ونقدر نقول، إن لحد دلوقتي ماحصلش تعديل جديد في رسوم إنستاباي، خاصة وإن في إقبال كبير جدا عليه لأنه بيسهل تحويل الأموال لحظيًا من خلال تليفونك.
أما بقى لو انت مستخدم جديد للتطبيق، فهنقولك ظريقة تحويل الفلوس من خلاله، وهي إنك تفتح التطبيق بعدين تصغط على "إرسال نقود".
بعد كده، بتضغط على رقم الهاتف وتدخله، بعدين تضغط على علامة "حساب بنكي".
وبعد الخطوات دي، بتقوم بإدخال المبلغ، وتضغط التالي، وتراحع بيانات التحويل بعدين تدخل الرقم السري أو ال IPN، اللي هو مكون من 6 أرقام، وبكده يكون التحويل تم بنجاح.
وفي شوية معلومات مهمة عن إنستاباي، اولها إن البريد المصري غير مشترك في إنستا باي، وكمان خدمة سحب فلوس من البرنامج عن طريق ال ATM غير متوفرة حاليًا، وغير متاح إضافة فيزا المشتريات على تطبيق إنستا باي، وماينفعش التحويل من المحفظة للبرنامج لكن يصلح العكس، كمان التطبيق ده بيتيح التحويل لمحفظة أو حساب بنكي.
ومن ضمن الخدمات اللي بيقدمها انستا باي للعملاء، هي ربط جميع الحسابات المصرفية المختلفة للعملاء في تطبيق واحد للتليفون المحمول، وكمان إمكانية التحويل الفوري من حساباتك داخل البنوك المسجلة على الشبكة في مصر، بجانب تحويل فوري داخل حسابات شبكة بنوك مصر والمحافظ الرقمية وبطاقة ميزة.
ومتاح الاستعلام عن رصيد الحسابات، وإصدار كشف حساب مصغر للبنك، وكمان ضافة حسابات بنكية متعددة ضمن شبكة بنوك مصر.
أما بقى التحويل من الخارج من إنستاباي، فمتاح هو كمان بنفس سهولة الطريقة اللي قولناها.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
