مصر عندها ازمة حقيقة في اسعار العقارات، ودي بيسموها فقاعة عقارية.. ياتري ازاي الحكومة هتتخلص من الأزمة... واية الحكومة بتفكر تستفاد من الثورة العمرانية الكبيرة اللي بقت موجودة في مصر
سوق العقارات في مصر من فترة بعيدة وهو بيعاني من حاجة سموها خبراء الاقتصاد اسم الفقاعة العقارية، ودي معانا أن اسعار العقارات المعروضة في السوق سعرها اعلي بكتير من سعرها الحقيقي أو الاصلي، والفقاعة دي عاملة أزمة وحالة ركود شديدة في السوق المصري بسبب ضعف حركة البيع والشراء، خصوصا أن محدش هيدخل يشتري عقار أو شقة بضعف تمنها الا لو كان مضطر لكده.
الفقاعة العقارية اللي بيعاني منها السوق المصري متوقفتش بس علي شراء العقارات، ده كمان انتقلت للايجارات واصبحت اغلب اسعار ايجارات العقارات مبالغ فيها جدا، واللي ساعد علي ده هو دخول عدد كبير من اللاجئين من مختلف الجاليات العربية لمصر، واللي وصل عددهم حاليا لأكثر من 9 مليون لاجئ في مصر وفقا لأخر الأرقام اللي اعلنتها الحكومة المصرية لعدد اللاجئين في مصر، واللي دخولهم لمصر اخذ كتلة كبيرة من الثروة العقارية في مصر سواء كان من خلال البيع والشراء أو الإيجار واقبالهم علي الشراء والأيجار خلي الاسعار في مصر اضربت في مرتين وثلاثة بسبب الاقبال الشديد اللي المؤجرين بيلاقوه من الناس اللي بتدور علي سكن.
طيب اللي بيحصل حاليا في سوق العقارات في مصر؟.
سوق العقارات في مصر حاليا بيعاني من حالة شديدة من حالات الركود وده بسبب ضعف حالات الشراء وكمان ضعف الاقبال علي الايجار بسبب عودة عدد كبير من الاجئين لبلادهم خصوصا في الأخوة السودانين واللي بدأت اعداد كبيرة منهم يرجعوا لبلادهم بعد عودة الاستقرار النسبي والهدوء لبلادهم .
وعلشان الحكومة تحل الأزمة دي وتعمل حالة رواج في سوق العقارات في مصر وتروج للثورة العمرانية اللي عملتها الحكومة علي مدار السنين اللي فاتت، فالحكومة قدمت اكثر من عرض لحجز الشقق الجديدة واللي بتناسب كل المستويات بداية من الاسكان الفاخر ولحد الاسكان المتوسط واخيرا الاسكان الاجتماعي واللي الدولة بتستهدف منه توفير سكن مناسب لكل فئات الشعب المصري.
جهود الحكومة لحل ازمة الفقاعة العقارية في السوق المصري، ضمت كمان استغلال وزيادة ربط المصريين العاملين بالخارج، فالدولة اطلقت اكثر من مبادرة مخصصة للمصريين العاملين بالخارج زي مبادرة بيتك في مصر واللي يقدر من خلالها المصريين العاملين بالخارج شراء فيلل وشقق سكنية في مختلف المحافظات والمدن المصرية وبيسددوا سعرها بالدولار، ده غير طرح مبادرات لتصدير العقار المصري، وده مبادرة هدفها زيادة ايرادت مصر من الثروة العقارية والتنموية الكبيرة قامت بيها الحكومة علي مدار السنين الي فاتت وزيادة ايرادات الدولة من الدولار زي العاصمة الإدارية والعلمين الجديدة وغيرها من المدن الجديدة .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
