علق الإعلامي تامر أمين، على تصريحات الفنانة السورية أصالة والتي وصفت فيها كل من لا يستمع إلى أغانيها بالمتخلف عقليا.
وقال أمين خلال برنامج "آخر النهار" المذاع على قناة "النهار": "حاسس أن في بعض التصريحات وفي حالة من حالات كده الترصد وحالة من حالات جر الشكل وحالة من حالات الرغبة في الخناق اللي بدون داعي ومش عارف ليه يعني الأوضاع كانت هادية، وفي الشتاء كانت الدنيا دي لطيفة وكل واحد بيغني وكل واحد بيطلع ألبومات".
وأضاف: "ما اعتقدتش أن في مطرب او مطربة ممكن تهين الجمهور تهين الجمهور بالشكل ده يعني أنا عارف إن في بعض الناس عندهم الأنا عالية وبعض الناس التانية عندهم النرجسية عالية وبعض الناس بيستخدموا بعض الألفاظ في فكرة الحرب النفسية تمام لكن فكرة إن أنا اضرب في جمهوري أو أهين جمهوري دي جديده وما اعتقدش أنها ممكن تيجي على الفنان بأي فايدة".
وتابع: "الفنانة أصاله كانت في مؤتمر صحفي اعتقد في مهرجان جرش لو أنا معلوماتي مظبوطة وبتتكلم مع الصحفيين فقامت خبطه في مايا دياب خبطه كده ماعرفش لازمتها إيه أنا بتكلم إنها بصفة عامة كده بتقول لهم مبروك الفنانين اللي طلعوا الألبومات عمرو دياب أه مبروك مش عارف مين مبروك مش عارف مين مبروك ومايا دياب قالت لهم مين مايا دياب مين مايا ضياب فاستهانه مش لطيفة".
وأكمل: "فمايا دياب طلعت قالت لها طب استنيني بقى لما أنا أجي اعمل مؤتمر غير فني كده هروقك وبتاع وهتبتدي قصة ما بينهم بس مش دي قضيتي.. قضيتي بقى في الجملة اللي أنا هسمعها لكم دلوقتي لما بيقولوا لها إنت بخلاف أغانيكي بتسمعي مين ولا مبتسمعيش مين ولا كذا فبترد رد أنا قلت مش هقول أنا عشان يمكن تكدبوني فقلت هوريلكم صوت وصورة"
وعرض أمين فيديو للفنانة السورية خلال ردها على أسئلة الصحفيين حيث قالت: "اللي ما بحبني بيكون طبعا متخلف عقليا حتى الناس اللي ما بتتابع أصالة من سوء حظهم كمان بيعرفوهم 2025 أكيد أغنياتي وما بحب حدا أكثر مني وما بسمع حدا بالعالم قد ما بسمع صولا أنا عايشة متوحده مع نفسي بنطرب لي وبنبسط كثير لما بسمعني".
واختتم أمين: "طيب أنت تحبي نفسك كثير وما بتسمعي غير نفسي وأنا متوحده مع نفسي ده ربنا يوفقك وربنا يصبرك على نفسك يعني دي قصتك وأنت تستحملي نفسك وأغاني نفسك دي تمام يعني دي حاجة تخصك ومتزعليش لكن إيه بقى متخلفين عقليا مين يعني أول جملة اللي سمعتوها دي اللي هو ما بيسمعني وما بيحب أغانيه متخلفين عقليا مين بقى ليه؟ يعني هذه الإهانة لا تصدر من فنان المفروض بيحترم جمهوره ويحترم اختلاف الأذواق فأنا الحقيقة اتصدمت".
