شوبير: الزمالك يسير على الطريق الصحيح.. و"نقطة نظام" بدأت تظهر داخل النادي

أشاد الإعلامي أحمد شوبير بالتطورات الإدارية التي يشهدها نادي الزمالك خلال الفترة الأخيرة، مؤكدًا أن النادي يسير بخطى ثابتة نحو الاستقرار والنجاح، سواء على مستوى كرة القدم أو باقي الألعاب الرياضية، ويستعرض تحيا مصر التفاصيل. 

شوبير: هناك نظام بدات تظهر بوضوح داخل نادي الزمالك 

وقال شوبير خلال برنامجه الإذاعي عبر "أون سبورت إف إم": "أشعر أن هناك نقطة نظام بدأت تظهر بوضوح داخل نادي الزمالك، وده مؤشر مهم جدًا لأي مؤسسة رياضية تبحث عن النجاح والاستمرارية، خصوصًا بعد توقيع بروتوكول التعاون الأخير بين شركتي استادات للاستثمار الرياضي وأمان القابضة لتسويق عضويات فرع 6 أكتوبر".

وأضاف: "فيه شغل معمول بشكل صحيح داخل نادي الزمالك في الفترة الأخيرة، مش بس على مستوى التعاقدات أو الجهاز الفني، لكن كمان على مستوى الهيكل الإداري والتنظيمي، وده أمر يبشّر بأن الفريق داخل في المنافسة بقوة كبيرة جدًا جدًا هذا الموسم".

وتابع شوبير: "الزمالك فريق كبير وتاريخي، وعنده جماهيرية عريضة جدًا، وأي استقرار إداري أو تنظيمي داخل النادي بينعكس فورًا على الأداء في الملعب، وده اللي بدأنا نلاحظه من خلال التعاقدات المدروسة والقرارات الحاسمة في ملفات مهمة زي الجهاز الفني والصفقات".

وتحدث شوبير عن المنافسة على لقب الدوري الموسم المقبل، قائلًا: "والله أعلم مين هيفوز بالدوري السنة دي، الأهلي؟ بيراميدز؟ ولا الزمالك؟ كل الفرق دي داخلة الموسم بطموح كبير، لكن لو الزمالك كمل بالشكل اللي ماشي عليه دلوقتي، هيكون خصم تقيل جدًا في المنافسة".

واختتم تصريحاته قائلًا: "مش بس كرة القدم اللي فيها شغل، لأ، كمان في كرة اليد والألعاب الفردية والتانية النادي عامل شغل كويس، وده معناه إن الإدارة بدأت تثبّت أقدامها بجد، وفيه نجاحات واضحة جاية على الطريق".

 شوبير: حالة الفوضى في الزمالك انتهت 

وقال شوبير خلال برنامجه الإذاعي صباح اليوم عبر "راديو أون سبورت إف إم": "أقدر أقولكم وبكل وضوح إن نادي الزمالك دلوقتي بقى فيه نظام. الهري والهبد بتاع زمان خلص، والناس بدأت تشتغل صح وبتخطط لمستقبل الفريق بشكل جاد".

وأضاف: "أنا بتكلم هنا عن إدارة بدأت تشتغل على ملفات مهمة جدًا، من أبرزها تدعيم الفريق بعناصر قوية، وحسم موقف الجهاز الفني، وعودة الانضباط لغرفة الملابس، وهي كلها أمور كانت غائبة عن الزمالك في المواسم الأخيرة".

وتابع شوبير: "الزمالك هيكون منافس قوي جدًا في الموسم القادم، ومش هتكون مفاجأة لو نافس على كل البطولات المحلية والقارية. الناس بتشتغل بجد وعاوزين يعوضوا الجماهير عن المواسم اللي فاتت".