ابنة سعيد صالح تحيي ذكراه بكلمات مؤثرة

أحيت هند سعيد صالح، ابنة الفنان الراحل سعيد صالح، ذكرى ميلاده ووفاته بكلمات صادقة ومؤثرة، نشرتها عبر حسابها على موقع "فيسبوك"، حيث استرجعت ذكرياتها معه، وتحدثت عن المشاعر المتداخلة التي تمر بها في هذه الأيام الصعبة من كل عام.

وكتبت هند: "امبارح كانت ذكرى ميلاد بابا الـ85، والنهاردة بتكمل 11 سنة على رحيله.. سنين معرفش عدّت إزاي، يمكن عشان ربنا مديني من رحمته ونعمه اللي خلتني أقدر أكمل. وجود ابني سليم – اللي فيه من بابا في كل حاجة – كان أكبر سند، بشوف فيه نفس الروح والكوميديا وحتى النظرات."

وأضافت: "حب الناس لبابا هو اللي دايمًا بيريّح قلبي، سواء في ذكرى ميلاده أو وفاته، أو حتى في بوستات عشوائية من ناس معرفهاش، لكن بحس بكل كلمة طالعة من القلب، وبتأكد لي إن سعيد صالح عمره ما كان ليا أنا بس.. كان لناس كتير بتحبه ويمكن أكتر مني."

وتابعت حديثها بلهجة حزينة قائلة: "السنة دي كانت الأصعب.. يمكن عشان حالتي النفسية اللي لسه متأثرة من الأزمة اللي حصلت مع جوزي واللي كنت اتكلمت عنها قبل كده ولسه مستمرة. يمكن كمان لأن سنة 2014، يوم ميلاد بابا كان خميس، ووفاته كانت جمعة.. ونفس التواريخ والمشاهد كأنها بتتكرر دلوقتي قدامي من جديد."

واختتمت رسالتها بطلب بسيط: "زي ما بتدعوا لبابا، دعولي أنا كمان.. لأني في أمسّ الحاجة للدعاء.. وشكرًا من قلبي."

جدير بالذكر أن الفنان الكبير سعيد صالح وُلد في 31 يوليو 1940 بقرية مجيريا في محافظة المنوفية، وتخرج من كلية الآداب بجامعة القاهرة عام 1960. انطلق في عالم الفن بعد أن اكتشفه الفنان حسن يوسف، وكانت بدايته الحقيقية على خشبة المسرح من خلال مسرحية "هالو شلبي"، ثم لمع نجمه في "مدرسة المشاغبين" عام 1973.

قدّم سعيد صالح أكثر من 300 عمل مسرحي، وشارك في نحو 500 فيلم سينمائي من أبرزها: سلام يا صاحبي، الهلفوت، المشبوه، على باب الوزير، والقط أصله أسد. وكان قد صرّح في أحد اللقاءات أن "ثلث الإنتاج السينمائي المصري" كان من نصيبه.