حلت الفنانة هنا الزاهد ضيفة مع الإعلامي أنس بوخش في برنامج AB talks، وكشفت هنا عن جوانب من حياتها الشخصية.
هنا الزاهد: قلبي اتكسر بعد الطلاق
تحدثت هنا الزاهد خلال اللقاء عن أهم الأشياء في الزواج قائلة: "أهم شيء في الجواز الاستقرار والأمان، وأصعب شيء الفتور لما المشاعر تخلص، بتبقى حياة وحشة".
وعن حياتها بعد الطلاق قالت:«اتطلقت في أواخر 2023، والحمد الله تخطيت طلاقي وهذه أحسن فترة في حياتي وشخصياَ مكنتش اعرف ازاي هعدي وتخيلت أن حياتي وقفت خلاص مش علشان الحب وكده، لكن لقيت الحياة بتكمل والحياة حلوة عادي، وكنت بشوف أي ست تتطلق وأستغرب إن ده بيحصل ومكنتش متوقعة إن ده يحصلي، لحد ما اتعرضت للطلاق بس بقيت أحسن دلوقتي وبركز مع نفسي».
تابعت: اكتشفت أن قلبي ده لازم أحافظ عليه وهيبقى صعب اوي حد يدخل حياتي، عارف لما قلبك يتكسر أوي، قلبي حصله كده، ورممت قلبي لوحدي، أهلي ساعدوني ووقفوني على رجلي، لكن لما ببقى لوحدي بلاقي قلبي مكسور".
وأضافت:"مفيش حد هيدخل حياتي غير لما أبقى عارفة أنه صح أوي، واللي بفكر فيه دلوقتي هو أبسط هنا واي حاجة كنت عايز أعملها بعملها حتى اللي مكنتش بعملها، أنا وقت زواجي كنت ناسية هنا وكنت بدي الأولوية للقدامي اكتر مني لأنه التوب بالنسبالي بعد ربنا".
وفاة طلعت زكريا
وتطرقت الزاهد إلى الحديث عن الراحل طلعت زكريا، الذي كانت تربطها به علاقة قوية، قائلة: فقدانه كان من أصعب اللحظات في حياتي، فقد كان بمثابة والدي، ومكانته في حياتي لا يمكن تعويضها.
أعمال هنا الزاهد الجديدة
ومن ناحية أخرى تعيش هنا الزاهد حالة من النشاط الفني خلال الفترة الحالية على مستوى السينما، حيث تنتظر عرض عدد من الأعمال السينمائية الجديدة، ومنها فيلم ريستارت، الشاطر، The seven Dogs، البحث عن فضيحة، والمشروع X.
موعد عرض فيلم ريستارت
يذكر أن هنا الزاهد تنتظر عرض أحدث أفلامها السينمائية "ريستارت" يوم 29 مايو المقبل. الفيلم من تأليف أيمن بهجت قمر وإخراج سارة وفيق وبطولة تامر حسني وهنا الزاهد وباسم سمرة وعصام السقا وميكا ومحمد ثروت، وعدد من النجوم.
