كشف أحمد عبد القادر لاعب النادي الأهلي، بأنه لم يطلب فسخ تعاقده مع فريقه نهائيا وأن الأنباء المتداولة غير صحيحة، ويستعرض موقع تحيا مصر تصريحات أحمد عبد القادر.
تصريحات أحمد عبد القادر
وكتب أحمد عبد القادر في رسالته، بسم الله الرحمن الرحيم، في أكثر من موضوع بيتم تناوله في الإعلام والسوشيال ميديا لأكثر من شهر ونص ومطلعتش اتكلمت ولا اتناقشت فيه لان كلها إشاعات ليس لا أساس من الصحة ومش هطلع أوضحها لأن دا مش شغلي.
وتابع أحمد عبد القادر، لكن لما الإشاعات تبقي بالشكل المبالغ فيه ده وكل واحد قاعد في برنامج بفنجان قهوة وأدمن في صحفة عليها شويه مطبلطية ومعروفين يرزع خبر ويلاقي عندو ٩٠ ألف ريأكت وهو قاعد بيشرب فنجانه.
وأكمل أحمد عبد القادر، العيب مبيبقاش عليه العيب علي الناس اللي بتصدق كلامه وبتديلة قيمه علي إشاعات وكدب دا أولا ثانيا في موضوع بيتم تداوله إني طلبت بفسخ التعاقد مع النادي الأهلي هذا ليس له أساس من الصحة.
واختتم أحمد عبد القادر تصريحاته، أنا لاعب ملتزم بعقدي ولم يصدر مني أي شي خلال شهر ونص يتم تداول الإشاعات فيها بل ملتزم التزام تام بتعاقدي مع النادي الأهلي لحين حدوث أي جديد وشكرا.
