تحدثت الفنانة هنا الزاهد عن انفصال والدها ووالدته وهي في سن صغير، وذلك خلال لقاءها مع الإعلامي أنس بوخش ببرنامج Abtalks والذي يتم عرضه على قناته الرسمية بموقع الفيديوهات الشهير يوتيوب.
هنا الزاهد تتحدث عن انفصال والديها
وقالت هنا الزاهد في تصريحات رصدها موقع تحيا مصر: والدي ووالدتي انفصلوا بطريقة راقية جدا وعلاقتهم حلوة وبعد الطلاق مكنش بيكملني كتير بيسأل عليا بس فين وفين وأول مرة كلمني مكالمة طويلة اوي بعد الطلاق واتبسطت جدا بالمكالمة دي لاني كنت مفتقد كلام الأبهات ده.
وتابعت هنا الزاهد حديثها: ممتنة جدا لطلعت زكريا كزوج أم وإنه دخل حياتنا بس كانت صعبة بالنسبالي، كنت بحكيله حاجات محدش يعرفها غيره وكنت متأثرة بوفاته جدا والناس كانوا بيقولولي للدرجة دي، احنا ربنا عوضنا براجل جميل بيحب ولاده جدا
هنا الزاهد: مرض والدتي كان يوم أسود ومبحبش الشهرة
وتطرقت هنا الزاهد بحديثها عن مرض والدته، قائلة: مرض والدتي كانت بالنسبالي يوم اسود انا اهم حاجة عندي اخواتي وأمي فكان يوم صعب أوي عليا ودلوقتي هي أحسن وماشية على الأدوية ونور بالنسبالي نقطة ضعفي وبالنسبالي بيتي وصعب عليا إنها مش عارفة والدها.
وعن حبها للشهرة، قالت هنا الزاهد: مبحبش الشهرة نفسي أما أنزل ابقى زي الناس عادي اقعد أكل واشرب وأوقع على نفسي وأزعق عايزة أبقى انسانة أكتر مش عايزة ابقى فنانة بحب الشغل والتمثيل لكن أضواء الشهرة مفهاش خصوصية ولو الإنسان اللي معايا لو مش ممثل هيزهق.
آخر أعمال هنا الزاهد
يذكر، أن آخر أعمال هنا الزاهد هو مسلسل إقامة جبرية الذي تم طرحه ضمن مسلسلات الأوف سيزون وحقق نجاح كبير وتصدر قوائم الأعلى نسبة مشاهدة على منصة watch it الرقمية، وقدمت خلاله هنا الزاهد دور مختلف عليها تمامًا وعن الكوميديا التي اعتاد الجمهور عليها وشاركها في البطولة محمد الشرنوبي، صابرين، محمود البزاوي، وآخرين.
وشارك في بطولة مسلسل إقامة جبرية عدد من الفنانين إلى جانب هنا الزاهد منهم، صابرين، محمد الشرنوبي، جلا هشام، ثراء جبيل، محمد دسوقي، أحمد حاتم، حازم إيهاب، وغيرهم عدد من الفنانين، والمسلسل من إخراج أحمد سمير فرج.
