علق الإعلامي تامر أمين على فتوى الدكتورة سعاد صالح حول "شرب الحشيش"، والأمر الذي أثار الدهشة والتساؤلات الكثيرة حول الأمر خلال الساعات الماضية، قائلاً إن "الكلام اللي اتقال لازم نتوقف قدامه ونفهمه ونرد عليه بهدوء، من غير ما نهين ولا نهاجم".
"سعاد صالح شخصية نحترمها.. لكن نختلف معاها"
كما تابع الإعلامي تامر أمين خلال برنامجه "آخر النهار" المذاع على قناة "النهار"، في بداية حديثه:"أنا بقولها بمنتهى الوضوح، الدكتورة سعاد صالح شخصية محترمة، أستاذة جليلة، وداعية كبيرة، ولها سيرة طيبة جدًا في مجال الدعوة، وإحنا مش مختلفين على شخصها إطلاقًا، لكن عندنا حق نختلف مع الرأي، وده مش عيب ولا غلط".
كما جاء النقاش حول الفتاوى لا يعني أبدًا التقليل من قيمة الشخص صاحب الفتوى، ولكن حين تكون الفتوى صادمة أو غير مألوفة، من الطبيعي أن تثير جدلًا واسعًا، وده حق الجمهور.
"الفتاوى مش لعبة.. والحشيش معروف إنه بيضيع العقل"
وتابع تامر أمين بتعجب من الفتوى: "يعني إيه الحشيش مش حرام؟! .. هو الحشيش ده مش مادة مخدرة؟!.. مش بيدخل الدماغ ويأثر على الوعي؟.. هو إحنا فجأة بقينا نعتبر إن الحشيش مش بيذهب العقل؟!".
وأكد أن مثل هذه الفتاوى "ممكن تعمل بلبلة كبيرة جدًا في الشارع، خصوصًا عند الشباب اللي ممكن ياخد الكلام ده على إنه تصريح مباشر بالتعاطي".
"محتاجين ضوابط للإفتاء.. لأن الشارع بيتأثر جدًا"
وأضاف: "أنا مش شيخ ولا فقيه، بس فاهم يعني إيه فتوى تطلع في الإعلام وتأثر في الناس. مش كل رأي فقهي ينفع يتقال على الهواء، ومش كل اجتهاد لازم نسمعه في برنامج الفتوى محتاجة ضبط، لأن الكلمة لما تطلع من حد له عمامة أو مكانة، الناس بتصدقها فورًا".
"بنحترمك يا دكتورة.. بس لازم مراجعة"
واختتم تامر أمين كلامه برسالة مباشرة إلى الدكتورة سعاد صالح قائلاً:"بنحترمك جدًا يا دكتورة، ونعرف تاريخك العلمي والديني، لكن لازم الفتوى دي يتراجع عنها، أو على الأقل تتشرح للناس بشكل واضح، لأن الكلام اتفهم على إنه إباحة للحشيش، وده خطر جدًا على المجتمع ".
