مصر في الوقت الحالي تحولت لدرة المشروعات.. والمرة دي في مشروع سعودي هيغير خريطة الاقتصاد المصري بشكل كامل.. ياتري اية هو المشروع ده واية فايدته للاقتصاد المصري.
علي مدار الشهور اللي فاتت الحكومة قدمت تسهيلات كبيرة للمستثمرين الاجانب واصحاب رؤوس الأموال للدخول للسوق المصري ، والتسهيلات دي كانت لها عامل السحر في دخول عدد كبير من المشروعات للسوق المصري، واللي بسببها ارتفعت عدد الشركات والمصانع اللي موجودة في منطقة واحدة من المناطق الاستثمارية في مصر وهيا المنطقة الاقتصادية لقناة السويس من 60 الي 130 مصنع وفي 120 مصنع جديد هيتم تشغليهم مع نهاية العام الجاري أو بداية العام الجديد علي أقصي تقدير .
التحفيزات المصرية اللي قدمتها الدولة المصرية خلت انظار المستثمرين من كل دول العالم تتجه للسوق المصري علشان تدور علي الفرصة المتاحة لاعمالهم للدخول للسوق المصري، خصوصا أن المستثمر بيهمه في المقام الأول التسهيلات اللي بتقدمها الحكومة للمستثمرين والبيئة الصالحة للاستثمار ودي موجودة وبقوة في السوق المصري، والعلاقات السياسية الممتازة للدولة المستهدفة من الدول الخارجية ودي واحدة من ابرز الحاجات اللي عملتها القيادة السياسية واللي اعادت رسم السياسة الخارجية لمصر بشكل كامل واللي بفضلها الاسواق العالمية بشكل كامل بقت مفتوحة قدام المنتجات المصرية، ده غير الجهود الكبيرة اللي قامت بيها الدولة لربط مناطق الانتاج بمناطق التصدير .
طيب اية حكاية المشروع السعودي الجديد اللي هيدخل الاقتصاد المصري ؟.
من كام ساعة كان في اجتماع مهم جدا جمع رئيس مجلس الوزراء مصطفى مدبولي في مقر الحكومة بمدينة العلمين الجديدة، مع الدكتور عايض القحطاني رئيس مجلس إدارة مجموعة سمو القابضة السعودية علشان يناقشوا خطط المجموعة للاستثمار في مصر، واللي فيه رئيس مجلس الوزراء أكد تقديم كل صور التحفيز والتيسيرات الممكنة للمستثمرين السعوديين.
الدكتور مصطفي مدبولي أكد للوفد السعودي أنه الحكومة انتهت من حل الجزء الأكبر من المشكلات اللي واجهت المستثمرين السعوديين واللي كانت عالقة منذ سنين طويلة.
مجموعة سمو القابضة السعودية دي واحدة من أهم المجموعات علي مستوي العالم واللي متميزة في إنشاء الصناديق العقارية واللي بتعتمد علي سوق المال، واللي هيكون هدفهم في مصر هو إنشاء صندوق عقاري بمصر، وده علي غرار اعمال المجموعة اللي موجودة في 8 دول، وخطط الشركة للتوسع في 30 دولة حول العالم.
المجموعة خلال اجتماعها مع رئيس مجلس الوزراء أكدت علي رغبتها في الاستثمار في مصر، وانهم هيعلنوا عن أول مشروعاتهم خلال وقت قريب قوي في السوق المصرية خصوصا في مجالات الصناديق العقارية واللي هتعمل نقلة كبيرة للاستثمار في مصر، خصوصا أن السوق المصري في الوقت الحالي بيعد من أقوي الأسواق استقرارا في العالم.
الشركة السعودية في اجتماعها مع رئيس الوزراء أكدت رغبتها في العمل بمنطقة وسط البلد خصوصا أن المنطقة دي بتتمتع بموقع متميز، ده غير مشروعات التطوير اللي بتحصل حاليا لتحويل المنطقة لبؤرة للسياحة العالمية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
