مصر هتوصل بالصادرات ل 140 مليار دولار .. ياتري اية الخطوات اللي أخذتها مصر علشان توصل للرقم ده.. اية الحاجات اللي هتعمد عليها مصر علشان تحقق 140 مليار دولار من الصادرات ... وآية اللي هيحصل في الاقتصاد المصري لما نوصل للرقم ده.
الفترة الحالية الحكومة مركزة علي الصناعة بشكل خاص، وفي توجيهات صدرت من القيادة السياسية للحكومة بتشجيع وحل كل مشاكل المصانع اللي موجودة في مصر خصوصا أن في عدد كبير من المصانع في مصر كانت للاسف توقفت عن العمل لأسباب كتيرة منها اللي لوجيستي ومنها اللي كان متعلق بتوفير المواد الخام ومنها اللي كانت يتعلق بتوفير العملات الأجنبية للاستيراد والتصدير .
مع بداية تشكيل الحكومة الحالية الحكومة أسندت وزارة الصناعة لواحد من أهم وزراء الحكومة واللي اثبت كفاءة كبيرة في مثل مرفق حيوي وهام زي قطاع النقل واللي الدولو حققت في طفرة كبيرة جدا في البنية التحتية ونفذها اكبر نهضة عمرانية في مصر في مجال الطرق والكباري، وهدف الحكومة من تجهيزات البنية التحتية دي هو حقن دماء المصريين اللي أرواحهم كانت بتروح علي الاسفلت وكمان دعم الصناعة وربط مناطق الإنتاج بمناطق التصدير، وكمان دعم السياحة وسهولة وصول السائحين للمناطق اللي عايزين يزورها وده هيرفع عدد السائحين لمصر وهيحقق فكرة مصر في الوصول ل 30 مليون سائح وتحقيق 30 مليار دولار كايرادات من القطاع الخاص.
طيب إزاي الحكومة هتحقق 140 مليار دولار من الصادرات.
العالم كله حاليا بيواجه تحديات غير مسبوقة بسبب التحولات السياسية والاقتصادية، وعلي الرغم من كل التوترات دي الدولة بتستهدف الوصول بالصادرات ل 140 مليار دولار.
الصادرات المصرية حاليا بتتراوح ما بين 50 إلى 60 مليار دولار سنويا، ودي عبارة عن إيرادات الصادرات الزراعية والصناعية والبتروكيماويات بس الحكومة شافية أن الرقم ده مش بيحقق الإمكانات اللي موجودة في مصر، والدولة حطت خطة طموحة لزيادة الصادرات من خلال زيادة الطاقة الإنتاجية للمصانع والتوسع في المدن الصناعية وتحفيز الاستثمار المحلي والأجنبي في القطاعات التصديرية وتحسين جودة المنتج المصري ليكون قادرًا على المنافسة عالميا وفتح أسواق جديدة في أفريقيا وآسيا وأمريكا اللاتينية وتحسين منظومة النقل واللوجستيات لتقليل تكلفة التصدير .
خطة مصر للوصول بالصادرات الي 140 مليار دولار بتستهدف التركيز علي عدد من القطاعات زي الصناعات الغذائية والمنسوجات والملابس الجاهزة والبتروكيماويات والأسمدة والصناعات الهندسية والدواء والقطاعات دي بتمتلك فرص كبيرة للنمو في الأسواق الخارجية.
في الوقت الحالي الحكومة استهدفت زيادة الشراكة مع دول القارة الأفريقية من خلال اتفاقيات زي الكوميسا، ده غير جهود الدخول لاسواق الاتحاد الأوروبي ودول الخليج، من خلال تبسيط الإجراءات الجمركية وتوسيع برنامج دعم المصدرين وإنشاء مراكز لوجستية ذكية وتطوير الموانئ وتحسين كفاءة الشحن .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
