حيرة كل الأوقات.. ياترى الإستثمار في الذهب افضل من العقارات ولا الشهادات احسن من الاثنين وايه الافضل والاضمن في الوقت الحالي.. وايه افضل وعاء استثماري موجود حاليا في السوق.
سؤال كل الأوقات واللي اجباته بيختلف من واحد للتاني خصوصا أن كل أجابه غالبا بتكون مرتبطة بتجربة أو توقع للأسعار اللي جاية في المستقبل، وحاليا كل الناس بتسأل اية المجال الأمن للاستثمار هل هيكون الذهب واللي أسعاره في الوقت الحالي بتشهد تخبطات كبيرة جدا بين الارتقاع والانخفاض ولا العقارات واللي سوقها بيعاني من فقاعة عقارية كبيرة جدا موجودة في السوق ولا الشهادات واللي مؤخراً البنك المركزي أصدر قرارات بتخفيض أسعار الفائدة في مصر مرتين ورا بعض الاولي كانت بنسبة 255 نقطة أساس والتانية كانت بنسبة 100 نقطة أساس.
السؤال الصعب ده لو سألته لمواطن هتاخذ اجابات مختلفة يعني كل علي حسب رويته اللي هيقولك الذهب خصوصا أن شايف أسعار الذهب في مصر تضاعفت مرات المرات، واللي هيقولك عقارات خصوصا أن أسعار الفترة الأخيرة دي في الطالع والشقة اللي مش كانت تجيب 200 الف من سنتين فاتوا ودلوقتي سعرها معدي مليون جنيه.. والأخير هيقولك شهادات خصوصا أن الفائدة اللي بياخذها العميل منها بتكون معروفة ومضمونة وكمان العميل بيكون عارف هيقبض أمتي وكام وكمان مش بيكون شايل هموم تقلبات السوق ولا بيدفع إيجارات ولا مرتبات ولا شايل هم اي حاجة وكمان بيكون محافظ علي أصل فلوسه.
السؤال نفسه لو سألته لحد من خبراء الاقتصاد هيقولك بلاش تخلي البيض كله في سله واحدة وده بمعني لازم العميل ينوع استثماراته يعني لو معاك مليون جنيه فلازم يستثمر منهم جزء في الذهب وجزء في الشهادات والجزء الأخير لو في فلوس هيكون في العقارات وطبعا كل واحد ورؤيته في ناس تاني بتعكس العلاقة وبتبدا بالذهب والعقارات أو العقارات والشهادات وكل واحد علي حسب هو هيحتاج يسترد فلوسه مرة تاني أمتي، فعلشان كده كل الخبراء أجمعوا أن التنويع في الاستثمار افضل حل للواقع دلوقتي حتي لو حصل مشكلة في اي باب ادخاري يكون العميل مخسرش مدخراته كلها مرة واحدة ويكون عنه باب لسه كسبان.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
