رد الفنان آدم الشرقاوي على تعليقات بعض الجمهور بأن سبب اختفاءه عن الساحة هو تفضيله العمل في أمريكا، وذلك في منشور عبر حسابه الرسمي بموقع تبادل الصور والفيديوهات انستجرام.
آدم الشرقاوي: أهلي شجعوني إني أهتم بالثقافة بس كنت غبي
وقال آدم الشرقاوي في منشوره الذي رصده موقع تحيا مصر: شكرًا لكل الناس اللي تواصلوا معايا والردود الرهيبة، شكرًا للصحافة، للناس، ولكل اللي أونلاين، شكرًا، هابقى أبطل أكون حساس وغريب بعد البوست ده.
وتابع آدم الشرقاوي: وأنا مختفي جاتلي رسايل كتير بتقول إني مش بشتغل في مصر عشان بفضّل أشتغل في أمريكا.. مصر اديتني كتير أوي، بابا كان دايمًا يقولي: إن مصر مفيش زيها مكان، وهو وماما كانوا دايمًا يشجعوني إني أهتم بالثقافة، بس كنت صغير وغبي.
آدم الشرقاوي: المصريين دعموني وقبلوني رغم اني مستاهلش
واختتم آدم الشرقاوي حديثه: اشتغلت في مصر مع أحسن ممثلين ومخرجين، والناس رحبوا بيا بجد، رغم إني عشت معظم حياتي في أمريكا (ألوم أهلي)، بعد *لعبة نيوتن* حسيت إني مرغوب فيه ومقبول، كأني ما سبتش مصر أبدا.. الناس المصريين سمحولي أشتغل على مشاريع كتير وبنيت نفسي رغم إن لغتي العربية مش أحسن حاجة، ورغم إني مش فاهم الثقافة كويس، ورغم إني كنت حاسس إني مش دايمًا أستاهل، إنتوا دايمًا دعمتوني وقبلتوني. شكرًا يا مصر.
يذكر، أن آدم الشرقاوي قد تحدث عن سبب اختفاءه عامين، قائلا: كنت محتاج أخد بريك، من سنتين كنت تعبان جدًا، كنت قريب من 110 كيلو (250 رطل)، ما كنتش قادر أتنفس كويس، عندي ضباب في الدماغ لدرجة إني ما كنتش فاكر أيامي بوضوح.
عودة آدم الشرقاوي
واضاف: دلوقتي أقدر أقول إني أصحّ من أي وقت فات رجعت لوزني الطبيعي 80 كيلو (180 رطل)، بحس إني رياضي أكتر من أي وقت، موجود جدًا في اللحظة (مافيش ضباب دماغ)، وكل أعضائي شغالة تمام، حتى لما كنت عندي مشاكل صحية، ربنا تفضل عليّ بفرص كتير، ولما حسيت إني صحتي اتحسّنت، استغليت الفرص دي. أنا شاكر لحياتي ولكل تحدي واجهته. بشكر ربنا إنه خلاني أمر بالتجربة دي عشان دلوقتي عندي نظرة جديدة للحياة وحاسس إني مش ممكن أتحطّم. شكرًا لكل الناس اللي بتدعمني.
