داليا فرج تنعى سامح عبد العزيز:"محدش يقول طليقته.. اللي بينا كان أكبر من كده"

روت الإعلامية داليا فرج الديب موقف مؤثر جمعها بالمخرج سامح عبد العزيز قبل رحيله عن عالمنا صباح أمس الخميس، وذلك أثناء وجودهما في المستشفى بعد تعرضه لـ وعكة صحية مفاجئة. 

داليا فرج تروي موقف مؤثر بعد رحيل سامح عبد العزيز 

وكتبت داليا فرج من خلال حسابها الرسمي عبر موقع التواصل الاجتماعي فيسبوك، قالت: "ما حدش يقول طليقته و لا مطلقين ...اللى بينا أقوى من اى ورقة ولا كلمة". 

أضافت:"سامح لما كان يعرفني على ناس يقول الاكس مرة كده من تحت الضرس و الباقى يقول داليا مراتى ..واخر حاجة قالها للمرض و هو بيقولى استأذنك اغير له ...قاله دى مراتى يا حمااار  ...ما حدش يقول كده ...ما حدش يقول كده وااانبى". 

داليا فرج تودع سامح عبد العزيز بكلمات مؤثرة

حرصت الإعلامية داليا فرج الديب على نعي طليقها و أبو بناتها المخرج الراحل سامح عبد العزيز، الذي رحل عن عالمنا في صباح يوم الخميس الموافق 10 يوليو، بعد تعرضه لـ أزمة صحية مفاجئة. 

ونشرت داليا فرج صور تجمعها بالراحل سامح عبد العزيز وبناتها، من خلال حسابها الرسمي عبر موقع التواصل الاجتماعي فيسبوك، وودعته من خلال بعدد من الكلمات الحزينة والمؤثرة.

وكتبت داليا فرج: "اللى بينا حاجة مافيش غيرنا فاهمها ...فاهمين تفاصيل بعض ..بنفهم بعض من نظرة ...نتخانق بقى ...نزعل... نحلف ما انكلم بعض تانى  تقريبا نص الصيام اللى بصومه رايح على الحلفان واول ما تكلمنى أنسى وأصالحك على طول علشان عارفة ان قلبك طيب ...بيبى كبير و ضخم".

أضافت:" وعلشان اللى جوانا بتاعنا احنا وبس ...مش حاجة ممكن تفهموها او تسموها ...لينا تأثير قوى على بعض ..فيه حته جوة كل واحد فينا للتانى خاصة و مختلفة ....عشرة عمرى ...حبيبى .. ابو بناتى". 

تابعت: "رغم انك مشيت بس اللى مريحنى ان اخر ٢٠ يوم كنا مع بعض كلنا.على طول ...يا رب ما اكونش قصرت فى حقك ...هتوحشنى اوى يا حبيبى يا غالى زى ما كنت باقولك دايما انت الغالى و ترد حبيبتى". 

أختتمت داليا فرج حديثها بالدعاء له:" مش مصدقة إنى باقولها ربنا يرحمك يا حبيبى و يسكنك فسيح جناته و يقدرني على المسئولية ...نفسى انام وأصحى ألاقى ده كابوس و مش حقيقى . ..بدرى أوى أوى يا حبيبى  ...
لا إله إلا الله...لا إله إلاالله..هتوحشنى يا موحه".