"حبيبي أبو بناتي وعشرة عمري".. طليقة سامح عبد العزيز تودعه بكلمات حزينة

حرصت الإعلامية داليا فرج الديب على نعي طليقها و أبو بناتها المخرج الراحل سامح عبد العزيز، الذي رحل عن عالمنا في صباح يوم الخميس الموافق 10 يوليو، بعد تعرضه لـ أزمة صحية مفاجئة. 

داليا فرج تودع سامح عبد العزيز بكلمات مؤثرة

ونشرت داليا فرج صور تجمعها بالراحل سامح عبد العزيز وبناتها، من خلال حسابها الرسمي عبر موقع التواصل الاجتماعي فيسبوك، وودعته من خلال بعدد من الكلمات الحزينة والمؤثرة. 

وكتبت داليا فرج: "اللى بينا حاجة مافيش غيرنا فاهمها ...فاهمين تفاصيل بعض ..بنفهم بعض من نظرة ...نتخانق بقى ...نزعل... نحلف ما انكلم بعض تانى  تقريبا نص الصيام اللى بصومه رايح على الحلفان واول ما تكلمنى أنسى وأصالحك على طول علشان عارفة ان قلبك طيب ...بيبى كبير و ضخم".

أضافت:" وعلشان اللى جوانا بتاعنا احنا  وبس ...مش حاجة ممكن تفهموها او تسموها ...لينا تأثير قوى على بعض ..فيه حته جوة كل واحد فينا للتانى خاصة و مختلفة ....عشرة عمرى ...حبيبى .. ابو بناتى". 

تابعت: "رغم انك مشيت بس اللى مريحنى ان اخر ٢٠ يوم كنا مع بعض كلنا.على طول ...يا رب ما اكونش قصرت فى حقك ...هتوحشنى اوى يا حبيبى يا غالى زى ما كنت باقولك دايما انت الغالى و ترد حبيبتى". 

أختتمت داليا فرج حديثها بالدعاء له:" مش مصدقة إنى باقولها ربنا يرحمك يا حبيبى و يسكنك فسيح جناته و يقدرني على المسئولية ...نفسى انام وأصحى ألاقى ده كابوس و مش حقيقى . ..بدرى أوى أوى يا حبيبى  ...
لا إله إلا الله...لا إله إلاالله..هتوحشنى يا موحه". 

زواج سامح عبد العزيز و داليا فرج
 

كان زواج المخرج الراحل سامح عبد العزيز الأول من المذيعة داليا فرج، ونتج عن هذا الزواج 3 بنات، ولكن انتهت قصتهما بالطلاق، وذلك بعد حبه للفنانة روبي.