مصر بتدخل عصر جديد من الطاقة النظيفة، وبتشغل أكبر محطة رياح في الشرق الأوسط وإفريقيا، بس هل ده هيساعد على توفير كهربا نظيفة ومستقرة؟.. وإزاي المحطة دي هتساعد مصر أنها تقلل الاعتماد على الغاز والبترول؟.
مصر تبدأ التشغيل التجاري لأكبر محطة رياح في الشرق الأوسط وإفريقيا، بعد ما بدأت التشغيل في محطة طاقة الرياح في رأس غارب لإنتاج الكهرباء بقدرة إجمالية 650 ميجاوات، وجه قبل الموعد المحدد بأربع شهور، وده اللي أعلنت عنه شركة البحر الأحمر لطاقة الرياح.
المفاجأة أن المرحلة الأخيرة في المشروع اكتملت واللي تبلغ قدرتها 150 ميجاوات، وده بعد نجاح تسليم 306 ميجاوات في ديسمبر 2024، أي قبل 4 شهور برضه، و194 ميجاوات في أبريل 2025، أي قبل 6 شهور من الموعد المحدد، وده بيضمن توصيل كامل القدرة البالغة 650 ميجاوات بالشبكة الكهربائية بداية من يونيو 2025.
المشروع ده بيتولاه تحالف يضم شركة البحر الأحمر لطاقة الرياح، واللي بيضم شركة "إنجي" 35%، وشركة "أوراسكوم للإنشات" 25%، وشركة "تويوتا توسوشو كربوريشن" 20%، وشركة "إيروس إنرجي هولدنج كربوريشن" 20%، وده بموجب نظام البناء والتملك والتشغيل (BOO) لمدة 25 سنة؛ ده بجانب دورها في الاستثمار والتطوير، نفذت شركة أوراسكوم للإنشاءات جميع الأعمال المدنية والكهربائية، وكامل نطاق أعمال الهندسة والتوريد والبناء (EPC) لباقي أجزاء المحطة، كمان شركة جولد ويند إنترناشونال وردت وركبت وشغلت 104 توربينات رياح.
المحطة دي هتوفر الطاقة النظيفة لأكتر من نص مليون منزل؟
المصريين بقوا يستنوا كل يوم خبر سعيد بتزفه علينا الحكومة، وده لأن مزرعة رياح البحر الأحمر بتعتبر حاليا أكبر مزرعة رياح عاملة في الشرق الأوسط وإفريقيا، واللي بتوفر الطاقة النظيفة لأكتر من مليون منزل، وبتقلل انبعاثات الكربون بنحو 1.5 مليون طن سنويًا.
مزرعة الرياح الجديدة كمان بتعتمد على النجاح السابق اللي حققه التحالف في تطوير أول مشروع لإنتاج الطاقة المتجددة في مصر من نوعه وحجمه، واللي اكتمل في أكتوبر 2019 قبل الموعد المحدد، واللي بيضاعف القدرة التشغيلية في مجال طاقة الرياح في مصر إلى 912.5 ميجاوات.
مش بس وكده، ده التحالف بدأ كمان أنشطة التقييم والتطوير لمزرعة رياح جديدة بقدرة 900 ميجاوات على قطعة أرض قريبة من موقع المشروع الحالي.
طيب المحطة دي بتعمل إيه؟
المحطة بتستخدم قوة الرياح عشان تولد كهربا نظيفة 100%.. يعني من غير ما نحرق غاز ولا سولار، ومن غير أي تلوث!
غير كده، المحطة وفّرت فرص شغل كتير جدًا للمصريين، في الإنشاء والتشغيل والصيانة… وبتدعم كمان التعليم الفني والتدريب في مجال الطاقة الجديدة.
ليه ده مهم لمصر؟... لأن ده بيساعدنا نقللالاعتماد على الغاز والبترول وبيوفر كهربا نظيفة ومستقرة، ده غير أنه بيعزز مكانة مصر في التحول للطاقة الخضراء وبيفتح أبوابلتصدير الكهربا لدول تانية في المستقبل.
الخلاصة، أن مصر دلوقتي ماشية بخطى سريعة أنها تبقى مركز إقليمي للطاقة المتجددة، لأن الطاقة النظيفة مش رفاهية، دي استثمار في المستقبل وحماية للبيئة وفرصة لإنعاش الاقتصاد.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
