بسبب الظروف الصعبة اللي بيعيشها الناس في المنطقة كلها، ورغم تصاعد التوترات الجيوسياسية، مصر بتقدر توفر لأهلنا معاش تكافل وكرامة يقدر يعينهم شوية على الظروف المعيشية، بس كله بيسأل إزاي نقدر نقدم فيه؟.. وإيه الشروط اللي محتاج تقدمها عشان تاخد المعاش ده؟.
لو ظروفك صعبة، والدخل مش مكفي، يبقى لازم تعرف إن الدولة عاملة برنامج اسمه تكافل وكرامة، بيدي دعم شهري للأسر الأولى بالرعاية، وناس كتير بتستفاد منه.
وزارة التضامن الاجتماعي كل فترة بتقبل طلبات متقدمة لبحث الحالات الإنسانية اللي تستحق معاش تكافل وكرامة.
إزاي تاخد معاش تكافل وكرامة؟
عشان تاخد معاش تكافل وكرامة لازم تتوجه لأقرب وحدة اجتماعية تابعة لمحل الإقامة وتقديم طلب الحصول على الخدمة مع المستندات المطلوبة.
طب إيه المستندات المطلوبة؟
المستندات اللي بتحتاجها الدولة عشان تقدم على معاش تكافل وكرامة، لازم أولا تقدم بطاقة الرقم القومي، وشهادات ميلاد الأبناء، وشهادات قيدهم في المدارس، وشهادات الزواج أو الطلاق، وشهادات وفاة الزوج للأرامل، وشهادات الهجر أو الانفصال، وشهادة السجن في حالة سجن الأب أو الأم، وإقرار الوصاية للأيتام، وتقرير طبي في حالة الإعاقة أو المرض المزمن.
طب إيه الخطوات اللي بعد كده؟
بعد تقديم المستندات المطلوبة، بيجي هنا بقى دور الوحدة الاجتماعية، أنها بتجهولك بحث اجتماعي لتقييم الحالة، ومراجعة البيانات للتأكد من استحقاق المتقدم للبرنامج، وفي حالة الموافقة، يتم إخطار المتقدم بقبول طلبه وصرف المعاش، وده بيتم من خلال ماكينات الصراف الآلي أو مكاتب البريد.
بس مين الفئات المستحقة لمعاش تكافل وكرامة؟
المعاش ده الدولة عملته عشان يتصرف للأسر الفقيرة اللي عندها أطفال في مراحل التعليم المختلفة والمسنين اللي فوق 65 سنة اللي معندهمش دخل ثابت، وذوي الإعاقة، ده غير أنه بيتصرف للأرامل والمطلقات اللي معندهمش مصدر دخل، والأطفال الأيتام ومجهولي الأب والأم، ده غير أطفال المطلقة لو تزوجت أو سجنت أو توفيت، كمان أطفال المسجون لمدة لا تقل عن 3 سنين.
طب وإيه شروط الحصول على معاش تكافل؟
لازم تكون الأسرة مستحقة للدعم طبقًا لمعايير الاستحقاق، ويكون عندهم أطفال من سن يوم لحد 18 سنة، كمان الأطفال اللي فوق 6 سنوات ومسجلين في التعليم ومنتظمين في الحضور بنسبة 80% على الأقل.
طب وشروط الحصول على معاش كرامة؟.. لازم يكون المتقدم 65 سنة فأكثر، وأن يكون المتقدم من ذوي الإعاقة، أو اللي بيعاني من مرض مزمن بيخليه ميعرفش يشتغل أي شغلانة، كمان لازم يكون المتقدم من الأيتام اللي معندهمش أي رعاية من الأب أو الأم.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
