من كام يوم مصر كان عندها أزمة في توفير نسبة كبيرة من استعلاكنا المحلي من الغاز الطبيعي، لكن دلوقتي الوضع اتغير 180 درجة وفي انتاج محلي كتير دخل ضمن خريطة الاستهلاك المحلي.. يا ترى منين الإنتاج الجديد من الغاز الطبيعي وآية الفائدة اللي هتعود علي الاقتصاد الوطني.
توفير الاستهلاك المحلي واحد من الأهداف اللي الحكومة شغال بكل قوة علي توفيرها للمواطن المصري، واحدة من الحاجات الأساسية اللي الدولة شغالة علي توفيرها واتاحتها للمواطنين هيا الغاز الطبيعي واللي مصر لحد وقت قريب جدا وتحديدا سنة 2022 كانت بتصدره للخارج نتيجة الزيادات الكبيرة في الإنتاج اللي كانت موجودة عندنا في مصر.
مع التطور العمراني والتوسعات الصناعية الجديدة والزيادة السكانية وللاسف ضعف الحكومة في القيام بعمليات التطوير ومنع تقادم الآبار، حصل تراجع في الإنتاج والتراجع ده اجبر مصر علي وقف التصدير الخارجي للغاز الطبيعي، وقفل علي مصر باب دولاري مهم من الأبواب الخارجية العملات الأجنبية، وكمان أجبر الحكومة مؤخرا علي فتح الباب للاستيراد من الخارج، وده عمل أعباء إضافية كبيرة علي الفاتورة الاستيرادية في وقت الحكومة عايزة توفر في العملات الأجنبية.
طيب إزاي الحكومة بتتحرك علشان تأمن احتياجاتنا من الغاز الطبيعي وامتي هنوقف استيراد الغاز الطبيعي من الخارج؟
مع بداية الفترة الرئاسية الجديدة للرئيس عبدالفتاح السيسي الحكومة استهدفت زيادة الإنتاج اليومي من الخارج الطبيعي ووضع حد للاستيراد من الخارج، وفعلا الحكومة فتحت الباب قدام القطاع الخاص للدخول لمصر والعمل في مجالات البحث والتنقيب عن المواد البترولية بما فيها الغاز الطبيعي،ده غير أن الحكومة قدمت كل التسهيلات اللازمة سواء كانت لوجيستية أو مالية لشركة إيني الإيطالية والمسئولة عن حقل ظهر لزيادة وتنمية الإنتاج اليومي من الخارج الطبيعي وتشغيل آبار جديدة.
التسهيلات والتحفيزات الجديدة اللي قدمتها الدولة والمعدات اللي تم إدخالها لمساعدة الشركة الإيطالية بدأت الحكوكة تجنبي ثمارها حاليا في وقت الدولة في أشد الحاجة لتوفير نسبة حتي لو قليلة من احتياجاتنا من الغاز الطبيعي، وده اللي حصل والحكومة ممثلة في وزارة البترول والثروة المعدنية أعلنت عن زيادة إنتاج حقل ظهر من الغاز الطبيعي بمقدار 60 مليون قدم مكعب في خطوة مهمة جدا لدعم منظومة الإمدادات المطلوبة من الغاز الطبيعي وهتوفر علي الدولة مليارات الدولارات كانت الدولة هتخصصهم لواردات الغاز الطبيعي.
الإنتاج الجديد اللي تيبدا يدخل التشغيل اليومي بداية من الشهر اللي جاي مش هيكون البداية ولا هيكون الاخير، خصوصا أن الوزارة هتبدا في الفترة اللي جاي. أعمال حفر جديدة في بئر ظهر 13 واللي متوقع يوصل الإنتاج اليومي منه ل 55 مليون قدم مكعب يوميا.
طيب الاستهلاك المصري من الغاز الطبيعي بيوصل لكام حاليا والإنتاج كام؟.
استهلاك مصر اليومي من الغاز بيوصل ل 7.5 مليار قدم مكعب، والإنتاج المحلي تراجع من 7.1 مليار إلى 3.8 مليار قدم مكعب، وده اللي أجبر الحكومة لفتح الاستيراد من الخارج لسد العجز المحلي من الإنتاج، وده اللي دفع الحكومة للاستعانة لسفن التغييز للمساعدة في الاكتفاء الذاتي من الغاز الطبيعي، وده غير الجهود اللي بتقوم بيها الدولة حاليا بالشراكة مع القطاع الخاص واللي متوقع أن الناتج الإجمالي منها هيضيف ما يقرب من 250 مليون قدم مكعب يوميا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
