أعلن مطرب المهرجانات الشعبية المعتزل علي قدورة منذ قليل عن اتجاهه إلى مجال الانشاد الديني وذلك من خلال فيديو من تحضير أنشودة دينية، مشيرا إلى أنها ستخرج إلى النور قريبا.
على قدورة يدخل مجال الانشاد الديني
وظهر علي قدورة في منشور رصده موقع تحيا مصر عبر حسابه الرسمي بموقع تبادل الصور والفيديوهات انستجرام وهو يسجل انشودة دينية جديدة بعد اعتزاله مجال الغناء بشكل نهائي، وعلق على الفيديو قائلا: "مشروع وتجربة جديدة بنحضرها وان شاءالله بالتوفيق.. قريبا باذن الله".
يأتي هذا الأمر بعد سنوات من اعتزال علي قدورة غناء المهرجانات بشكل نهائى، حيث كتب منشور في 2023 قال فيه: انا علي عبد القادر السيد ، الشهير ب علي قدورة كنت مغني قبل النهاردة في حاجة حصلتلي مش عارف اية هي بس الحاجة دي هي الي بتخليني اتكلم دلوقتي انا بريء من كل عمل او مزيكا عملتها في حياتي و بعلن اعتزالي عن مجال الاغاني لحد ما يفتكرني ربنا، يارب سامحني عن اي حاجة انا عملتها في حياتي او اي حاجة صدرت مني و يارب قربني ليك و افتحلي باب رزق يرضيك و مفيهاش حاجة لو بدأت من جديد في اي شغل بالحلال و اي فلوس معايا انا هسيبها بالرضي لأهلي و مش عارف هيبقي الصح اية و هبقي لا امتلك الا " صفر " وربنا يثبتني في الطريق دة و مش هطول عليكم بس دي نيتي و ربنا كريم و كبير و " غفور رحيم.
علي قدورة: انا بريء من اي أغنية عملتها
وأبرأ علي قدورة ذمته من من اي عمل غنائى طرحه من قبل، مشيرا إلى أنه حاول حذف أغنياته لكن دون جدوى وأوضح: أنا اعتزلت الغناء عشان مش حمل أشيل ذنب الناس اللي بتسمع الأغاني بتاعتي وبحاول أحذفها من على اليوتيوب بس مش عارف، باب التوبة مفتوح دايمًا اعمل اللي انت عايزه وصلي صلاتك و الحرام بين والحلال بين وأنا اكتفيت وشبعت الحمدلله
علي قدورة وحصوله على كارنيه نقابة الموسيقيين
وكان قرار على قدورة الاعتزال رغم حصوله على كارنيه نقابة المهن الموسيقية واجتيازه اختبارات نقابة الموسيقيين وطرح أغنية مع حمو بيكا واخرى مع نور التوت وحققت نجاحات كبيرة وساحقة ولكن في يوم وليلة تفاجأ متابعيه بمنشور اعتزاله وهو ما جعلهم يدعمونه ويؤيدونه في هذا القرار الصائب.
