يا ترى إيه اللي بيحصل بين أمريكا والصين، وليه الدنيا كلها بتتكلم عن الاتفاق التجاري الجديد، وهل الاتفاق ده ليه علاقة بينا كمصريين؟
في الحقيقة وأخيرا، حصل اتفاق بين أمريكا والصين واللي هز الاقتصاد العالمي، خاصة بعد أزمة الرسوم الجمركية اللي عملت قلبان في العالم كله.
وبعد شهور من الشد والجذب، أمريكا والصين أخيرا اتفقوا على حزمة تعاون تجاري جديدة، وده مش بس خفش التوتر بين أكبر اقتصادين في العالم بس، لأ ده كمان فتح الباب لانتعاشة اقتصادية في مجالات كتير زي الصناعة والتكنولوجيا والطاقة.
ونقدر نقول، إن الاتفاق ده معناه أأن الرسوم الجمركية هتقل، وكمان حركة التجارة هتبقى أسهل، وبردو سلاسل الإمداد هتشتغل من غير توتر.
طب إحنا كمصريين هنستفيد إزاي؟
بص يا سيدي، أولا أسعار الاستيراد هتهدى، يعني الأجهزة والمعدات وحتى المواد الخام اللي بنجيبها من الصين أو أمريكا هتبقى بتكلفة أقل، وده ينعكس على الأسعار عندنا في السوق، فهتشتري المنتج بسعر أحسن.
ثاني حاجة، المصانع هتتنفس وده لأن أي تهدئة في السوق العالمي معناها إن في استقرار، وده بيدي دفعة للمصانع الصغيرة والمتوسطة عندنا، خاصة اللي بتتعامل مع خامات أو خطوط إنتاج جايه من الصين.
ثالت حاجة يا سيدي، هي فرص جديدة للتصدير، لأن الاتفاق ده ممكن يفتح باب لتعاون جديد بين مصر والصين وأمريكا، يعني لو منتجك مصري ومناسب للسوق الصيني فممكن تلاقي فرص تصدير جديدة خاصة مع المعارض الدولية.
رابع حاجة يا سيدي، هي أن الاستثمار هيزيد، يعني الاتفاق ده هيدي رسالة طمأنينة للمستثمرين في العالم كله، وده بيشمل كمان اللي بيفكر يستثمر في مصر، عشان لما يشوفوا إن السوق العالمي هادي والمخاطر أقل، هيتشجعوا يضخوا فلوس في مصانع أو شركات مصرية، وده معناه فرص عمل أكتر ونمو اقتصادي أسرع.
خامس حاجة، البورصة هتستفيد، لأن مع التهدئة بين أمريكا والصين، البورصات العالمية بدأت تنتعش، وده بيأثر علينا بشكل غير مباشر، لأن المستثمرين الأجانب بيرجعوا يستثمروا تاني في الأسواق الناشئة زي البورصة المصرية، وده ممكن يخلي الأسهم تتحسن والشركات تكبر أكتر.
سادس حاجة، هب طبعا السياحة، واللي ممكن تكسب، لأن الاستقرار الاقتصادي بيشجع الناس على السفر والتحرك، ومع تحسن العلاقات بين الصين وأمريكا، الشركات الصينية والأمريكية هتبقى مرتاحة أكتر في التوسع، وممكن نشوف سياحة رجال أعمال أكتر لمصر، خاصة في مناطق زي العاصمة الإدارية أو المنطقة الاقتصادية بقناة السويس.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
