يا ترى إيه اللي بيحصل لمصر الأيام دي في سباق الصناعة النظيفة، هل فهلا هنبقى من القوى الصاعدة اللي ممكن تنافس الكبار في الملف ده، وهل فعلا الاستثمارات اللي داخلة ممكن توصل ل 1.6 تريليون دولار؟
دلوقتي، مصر بقت من ضمن دول الحزام الصناعي الجديد، اللي بيتوقع التقرير الدولي إنها تنافس الدول الصناعية التقليدية.
والتقرير اللي أصدره "ائتلاف المهمة الممكنة"، بيقول إن مصر والبرازيل والهند من بين الدول اللي واخدة خطوات سريعة جدا ناحية الصناعة النظيفة والطاقة المتجددة، لدرجة إن الدول دي بقت مسئولة عن نص الاستثمارات العالمية المعلنة واللي قيمتها بتوصل لحوالي 1.6 تريليون دولار.
التقرير كمان بيقول، إن المشاريع دي مش بس متعلقة بالطاقة الشمسية والرياح، لأ ده كمان فيه حاجات زي الأمونيا النظيفة، ووقود الطيران المستدام، وصناعات الألومنيوم والإسمنت والصلب والكيماويات، ومصر من أكتر الدول اللي هتستفيد من النقلة دي، عشان عندنا ميزة كبيرة، وهي الموارد الطبيعية والطاقة المتجددة الرخيصة، وكمان الدعم الحكومي القوي للمشروعات دي.
ولو ماتعرفش، فدولقتي الصين وأمريكا والاتحاد الأوروبي لسه واخدين نصيب الأسد من الاستثمارات دي، لكن مصر والدول الناشئة ببعتبروا هما المستقبل بسبب تكاليف الإنتاج الأرخص والموقع الاستراتيجي والدعم الحكومي.
طيب، ليه مصر بالذات؟
طبعا، عشان عندنا مميزات تنافسية كتيرو، زي مثلا تكاليف كهربا منخفضة وتقنيات التحليل الكهربائي الرخيصة اللي هتخلينا ننتج الأمونيا النظيفة بنص التكلفة اللي بتنتجها الدول الكبيرة.
كمان، مصر يتستحوذ على 7% من القدرة الإنتاجية العالمية لمصانع الأمونيا النظيفة، ودي كمية تكفي لزراعة ضعف مساحة الدولة، وبردو في حاجات زي دي هتفتح فرص كبيرة لأمننا الغذائي وهتزود من سلاسل القيمة داخل مصر.
ومن هنا، الخبرا بيتوقعوا إن المشروعات دي هتزود أضعاف الإنتاج، بس محتاجين تمويل أكبر بخمس مرات على الأقل من التمويل الحالي، وكمان محتاجين الحكومة إنها تتحرك أسرع وتسهل الأمور للمستثمرين.
وفي النهاية، نقدر نقولك إن اللي بيحصل ده مش بس أرقام وأبحاث على ورق، ده بداية لتحول كبير هيغير خريطة الصناعة العالمية ومصر هتكون من قلب الحكاية، ولو المشوار ده استمر على نفس النهج، هنبقى بنشوف قريب صناعاتنا المصرية على رأس المشهد الدولي، والطريق يبقى مفتوح لنمو اقتصادي مستدام وشغل وفرص جديدة لينا كلنا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
