يا ترى إيه اللي بيحصل لسعر الدهب الأيام دي، وليه نزل شوية بعد ما كان مولع الدنيا بسبب الحرب بين إيران وإسرائيل، وهل المعدن الأصفر هيرجع يزيد من تاني ولا لأ؟
في الساعات الأخيرة، أسعار الدهب شهدت هبوط خفيف على كل الأعيرة عندنا في مصر، وده بعد ساعات من إعلان الرئيس الأمريكي دونالد ترامب عن وقف الحرب بين إيران وإسرائيل، ودي حاجة ريحت شوية المستثمرين، وكمان خفضت الإقبال على الدهب كمخزن قيمة مؤقت.
ونقدر نقول، إن الناس لما بتخاف من أزمات سياسية أو حروب بتحصل، فدايما بتجري على الدهب، ولما الدنيا بتهدى شوية بيتراجعوا عنه، فالأسعار بتهدى شوية.
وانهاردة، الدهب عيار 21 سجل حوالي 4680 جنيه للبيع و4660 للشراء، يعني أقل من إمبارح بعشرة جنيه، وكمان عيار 24 نزل شوية ووصل ل5348.5 جنيه للبيع، ده حتى الجنيه الدهب نزل ووصل ل 37,440 جنيه.
بس على النقيض بقى، على المستوى العالمي الدهب بدأ يزيد من تاني بعد وقف الحرب، وأونصة الدهب زادت 0.2% ووصلت لسعر 3329 دولار، وذه عشان دايمل بعد فترات التوتر، الدهب بيرجع يبقى ملاذ آمن للمستثمرين.
طب هل الدهب هيتعافى ويرجع يزيد من تاني؟
بص يا سيدي، كل التوقعات بتقول كده، لأن العالم دايما فيه تقلبات سياسية واقتصادية، وأي خبر ممكن يرفع سعر الدهب فجأة، وكمان فيه خبرا بيتوقعوا إن طالما التضخم لسه موجود والبنوك المركزية محتفظة بجزء من احتياطياتها دهب، فالطلب هيزيد.
بس دايما خليك فاكر، إن سعر الدهب بيتأثر بعوامل مختلفة زي مثلا قوة الدولار، وكمان أسعار الفايدة الأمريكية، ده غير حالة الأسواق العالمية، وبردو حدوث أي توترات سياسية جديدة.
أما بقى لو كنت محتاج تشتري الدهب على المدى القريب للجواز مثلا، فيبقى القرار ليك حسب ظروفك، ولو ناوي تستثمر على المدى البعيد يبقى دايما تابع الأخبار وراقب الأسعار، لإن الدهب أمانه عالي مهما نزل شوية.
وخليك فاكر، إن الدهب عمره ما بيخسر قيمته على المدى الطويل، وأي نزول مؤقت ده فرصة للشراء للناس اللي عايزة تستثمر.
كمان، لازم تاخد بااك من نقطة مهمة، وهي إن الدهب دايما بيتأثر بالعوامل الخارجية زي قرارات البنوك المركزية الكبرى وأخبار الاقتصاد العالمي، يعني مثلا لو سمعنا إن الفيدرالي الأمريكي ناوي يقلل أسعار الفايدة قريب هتلاقي الدهب بيطلع على طول، لأن دايما المستثمرين بيدوروا على أمان الدهب لما أسعار الفايدة تقل.
وفوق ده كله، الدهب ليه دايما سحره الخاص عند المصريين، يعني حتى في عز الأزمات الناس بتشتريه كمخزون قيمة وأمان على المدى البعي، ومش بس كمخزن قيمة، لأ دايما بيتعمل بيه هدايا وشبكات وأحيانا بيتورث من جيل لجيل، فالإقبال عليه مش سهل يقل حتى مع تقلبات الأسعار، ودي ميزة كبيرة بتميزه عن أي استثمار تاني.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
