تحدثت الفنانة أسماء أبو اليزيد عن تفاصيل مشاركتها في مسلسل فات الميعاد الذي يعرض حاليا عبر شاشة تلفزيون قناة دي إم سي، وذلك من خلال لقاء لها ببرنامج أسرار النجوم مع الإعلامية إنجي علي عبر إذاعة راديو نجوم إف إم.
أسماء أبو اليزيد تتحدث عن مسلسل فات الميعاد
وقالت أسماء أبو اليزيد في تصريحاتها التي يرصدها موقع تحيا مصر: اللي جذبني في مسلسل فات الميعاد إنه حقيقي والحدوتة في بيوت كتير والشخصيات موجودة شبه شخصيات حوالينا، وأنا لما بقرأ حاجة وأحس إني مشدودالها بشتغلها سواء ربنا وفق فيها أو لا.
وعن تعاونها مع أحمد مجدي قالت: فيه كيميا وصداقة لذيذة بيني وأحمد مجدي وإحنا اشتغلنا مشروع الآنسة فرح مع بعض واتبسطنا أوي وكان الشغل حلو ما بيننا فبقينا عارفين بعض وده بان دلوقت في فات الميعاد.
أسماء أبو اليزيد: الضرب اللي اتضربته في فات الميعاد مش حقيقي
أما عن تعرضها للضرب أثناء تصوير بعض مشاهد العمل قالت أسماء أبو اليزيد: الضرب اللي اتضربته في فات الميعاد مش حقيقي، لو كان حقيقي مكناش كملنا تصوير، كنا هناخد بريك شوية لغاية ما أخف وأحمد مجدي كان كل شوية يقولي أنتي اتوجعتي ؟ أنتي كويسة ؟ ومكنتش بحس أنه فيه حاجات صعبة في المشاهد لأن فيه صداقة لذيذة بينا.
وبسؤالها عن قضية العنف الزوجي بالعمل قالت أسماء أبو اليزيد: ظروف كل ست مختلفة من اللي بيتعرضوا للعنف الزوجي لكن بنصحها حطي لنفسك حدود تقبلي إيه ولحد فين لأنك في الآخر إنسانة، وأنا لو شوفت زوج بيضرب زوجته هبقى حاسة إني عاوزة أضربه.
تفاصيل مسلسل فات الميعاد
ومن الجدير بالذكر أن مسلسل فات الميعاد تدور أحداثه في إطار اجتماعي درامي مشوّق، تدور القصة بطلب طلاق يبدو عاديًا، لكنه يتحول إلى كرة ثلج تُغيّر مصير جميع الشخصيات. تتكشف خبايا النفوس وتتصاعد الصراعات وسط مزيج من الحب والرومانسية والتناقضات الإنسانية بين الشجاعة والخوف.
ويشارك في بطولته عدد كبير من النجوم والنجمات، منهم: أحمد مجدي، أسماء أبو اليزيد، سلوى محمد علي، حنان سليمان، محمود البزاوي، محمد علي رزق، فدوى عابد، وغيرهم، والمسلسل من تأليف إسلام أدهم، ومن إخراج سعد هنداوي.
