الناس كلها بتسأل ليه اسعار الذهب رجعت تنخفض تاني، وهل ممكن نشوف اسعار الذهب عيار 21 توصل لـ4 آلاف جنيه.. وهل الوقت الحالي مناسب للشراء ولا البيع.
من شهور طويلة والناس في الشارع المصري معندهمش كلام غير علي اسعار الذهب.. وكل يوم أول خبر بيجي في دماغك ياتري اسعار الذهب وصلت لكام النهاردة، وليه الذهب سعره رفع بالشكل ده.. وهل الذهب هيكمل صعوده بالشكل الكبير ده في الأيام اللي جاية، ولو معايا فلوس وعايز انزل اشتري ذهب للاستثمار أو الشبكة هل الوقت الحالي مناسب للشراء ولا البيع، ولو اشتريت دولوقتي والذهب سعره رجع ينخفض تاني الحل أية، ولو استنيت شوية هل اسعار الذهب ممكن تنخفض تاني.
الاسئلة الكتيرة اللي بتدور في دماغك كل مصري في الوقت الحالي سببها الزيادات الكبيرة اللي حصلت في اسعار الذهب، خصوصا ان سعر الجرام عيار 21 حقق أكثر من 1000 جنيه مكسب من بداية 2025، يعني في خلال 6 شهور كل اللي اشتري ذهب كسب اقل حاجة رقم كويس جدا بدون ما يخاطر برأس المال بتاعه ولا يتعب نفسه في شغل ولا يحسب حساباته طويلة علشان يعرف هو هيكسب كمان، ولا قرارا البنك المركزي الاخير بخفض اسعار الفايدة في مصر هيكون تاثيره اية، ده غير أن الذهب معروف أنه زينة وخزينة، يعني لا هيبوظ من الركنة وكمان بيكون زينة في ايد اللي يلبسه.
طيب اية اسباب الأرتفاع الكبير في اسعار الذهب في مصر واية اسباب عودة انخفاضه حاليا؟.
لازم نكون عارفين أن اسعار الذهب المحلية عندنا في مصر بتتاثر تاثير مباشر بالسعر العالمي للمعدن الاصفر يعني لو السعر العالمي ارتفع بالاسعار تلقائيا بترتفع ولو انخفض فالاسعار بتخفض بشكل تلقائي برضوا، وعلشان كده سعر الذهب لما ارتفع وسعر الأونصة تعدت أكثر من 3500 دولار لأول مرة، فسعر الذهبي المحلي من عيار 21 هو كمان كسر الرقم القياسي وسجل أكثر من 5 آلاف جنيه للمرة الأولي في التاريخ .
لازم نكون عارفين كمان أن الذهب العالمي للذهب بتتحكم فيه اكثر من حاجة أولهم التوترات الاقتصادية والجيوسياسية ودول مفيش اكثر منهم حاليا، ده غير سعر الصرف في البنوك الوطنية، ده غير كمان معدلات اقبال الناس علي المحلات لشراء المعدن الأصفر، ودول الأسباب اللي خلت اسعار الذهب في العالم كله طارت في العالي.
اللي متابع سوق الذهب حاليا هيعرف أن اسعار الذهب في مصر بدأت تنخفض بشكل تدريجي والانخفاض ده سبب عودة الهدوء النسبي للتوترات الجيوسياسية، والاسعار مكملة في الانخفاض اكثر في الفترة اللي جاية طول ما في استقرار في الأوضاع الجيوسياسية، ومتوسط الاسعار لعيار 21 واللي هو الأكثر مبيعا وانتشارا في مصر متوقع يترواح ما بين 4400 أو 4500 جنية علي أقصي تقدير في الفترة اللي جاية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
