يا ترى أسعار السلع هتروح على فين، وليه الأسواق بتعيش حالة من القلق بسبب الحروب والتوترات اللي دايرة بين إيران وإسرائيل، وهل الدهب هيفضل يزيد ويغلى، ولا ممكن يحصل تصحيح قريب؟
في الحقيقة، الناس دايما بتتابع السلع الأساسية زي الدهب والفضة والنفط لأنها بتعكس دايما حالة الاقتصاد العالمي، ومع استمرار الحرب المفتوحة بين إسرائيل وإيران، بدأت الأسعار تتحرك بشكل كبير، والمستثمرين بقزا بيدوروا على أمان فلوسهم، وده اللي خلا الدهب والفضة يبقوا تريند الأيام دي.
ودلوقتي، الدهب وصل لأرقام كبيرة لدرجة إن الخبراء بيتوقعوا إنه ممكن يكمل لحد 4 آلاف دولار للأونصة على آخر السنة، وده بسبب القلق من الحرب والعوامل الجيوسياسية، وكمان ضعف الدولار الأمريكي المتوقع قريب جدا، وكمان البنوك المركزية في الصين وروسيا بتشتري دهب بشكل كبير أوي، وده بيدعم الأسعار أكتر.
أما بالنسبة للفضة، فهي لسع داخلة المنافسة من الباب الكبير، ووصل سعرها لأكتر من 35 دولار للأونصة وممكن تكمل لحد 40 دولار قريب جدا، والسبب هو الطلب الصناعي عليها كبير، خاصة من قطاعات زي الطاقة الشمسية والعربيات الكهربائية.
كمان، النفط او البترول بيتماسك رغم التوترات، ولسه مفيش انقطاع حقيقي في الإمدادات، لكن دايما في قلق من أي تطور ممكن يقلب الدنيا، وكمان الحبوب زي القمح وفول الصويا بتغلى بسبب تكاليف الإنتاج والنقل اللي بتزيد مع استمرار النزاعات، وبالتالي ممكن تحصل ارتفاع أسعار ولو بسيط.
ومن هنا، الخبراء شايفين إن المشهد ده مستمر شوية ومش هينتهي قريب، وده بيخلي الشركات والمستثمرين دايما في حالة استعداد وتحوط من أي صدمات محتملة.
أما بقى السؤال المهم: هل نستثمر دلوقتي ولا نستنى شوية؟
في الحقيقة، الإجابة هنا بتختلف من شخص للتاني، يعني مثلا اللي بيدور على استثمار على المدى الطويل، فالدهب والفضة لسة أمان خاصة وسط التقلبات والحروب، لكن المضاربة محتاجة متابعة مستمرة لسعر الدولار والأخبار الجيوسياسية.
وفي الآخر، خليك دايما فاكر إن القرار ليك حسب أهدافك، وأهم حاجة تتنوع في استثمارك وتتابع التطورات أول بأول، وده لأن السوق مليان فرص ومليان تحديات، والعاقل اللي يعرف إمتى يدخل وإمتى يستنى.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
