يا ترى إيه اللي بيحصل في ملف الغاز، وإزاي الحكومة بتتحرك علشان تأمن احتياجاتنا بعد ما اتوقفت إمدادات الغاز من إسرائيل، وإيه طبيعة خطة الطوارئ اللي أعلن عنها مصطفي مدبولي؟
في الحقيقة، الحرب بين إسرائيل وإيران ألقت بتداعياتها على مصر والشرق الأوسط كله، وتحديدا من الناحية الاقتصادية وده لأن أكبر حقل غاز في إسرائيل توقف عن العمل، واللي كنا بنعتمد عليه في استيراد الغاز لدعم تشغيل شبكة الكهرباء.
والدروب اللي حصل ده، خلا الغاز اللي جاي لمصر يتوقف فجأة، وده طبعا هيأصر على جزء كبير من استهلاك الغاز اللي بنعتمد عليه في الصناعة وتوليد الكهرباء، لكن الحكومة ما وقفتش تتفرج، طلعت وزارة البترول زاتكلمت عن "خطة طوارئ".
والخطة دب بتعتمد على توقيف إمدادات الغاز لبعض الصناعات مؤقتا، وكمان زيادة استخدام المازوت والسولار في تشغيل محطات الكهرباء، ومش بس كده ده كمان هيتم تشغيل 3 سفن لإعادة التغييز اللي موجودة في مصر، علشان تضخ غاز بديل، يعني هتحول الغاز الخام لبديل نقدر نستخدمه في تشغيل الشبكة الكهربائية والمصانع.
ونقدر نقول، إن السفينة الأولى خلاص بدأت تضخ غاز في الشبكة القومية، والسفينتين التانيين بيتم تجهيزهم في موانئ مصر، علشان يدخلوا الخدمة خلال ساعات.
في نفس الوقت، في غرفة عمليات شغالة بتتابع كل كبيرة وصغيرة في شبكة الغاز، والحكومة بتطمن الناس إن شبكة الغاز في أمان، وكمان فيه احتياطي مازوت جاهز لأي طوارئ.
كمان، وزيرا الكهرباء ووزير البترول زاروا بنفسهم المركز القومي للتحكم في الغاز، وعاينوا الموقف، وكمان رئيس الوزراء عمل اجتماع معاهم علشان يتابع تنفيذ الخطة على الأرض.
عندك كمان، وزير البترول نزل بنفسه ميناء السخنة علشان يتابع توصيل سفينة التغييز التالتة بالشبكة، ويأكد إن ما فيش تأخير في ضخ الغاز، وده معناه إن الحكومة ماشية بسرعة لحل المشكلة.
وبالفعل، تم تأمين بدائل محلية وسريعة للغاز اللي وقف، وكمان استخدام احتياطيات المازوت والسولار لتوليد الكهرباء، وبردو تم متابعة مستمرة لحالة الشبكة لتفادي أي انقطاعات للكهربا.
وطبعا، كل ده علشان ما نضطرش نخفف الأحمال أو نقطع الكهرباء على الناس والمصانع، يعني باختصار اللملف في إيد الحكومة وتحت رقابة مباشرة من القيادة السياسية، والتحرك السريع ده بيأكد إن مصر عندها خطة مدروسة لأزمات زي دي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
