عمرك سألت نفسك لو عايز افتح حساب في بنك والظروف مش سامحه أنك تضرب مشوار للبنك تتصرف ازاي.. وهل لو العميل مش عارف يروح البنك كده مهلوش حق يكون عنه حساب بنكي.. ولو في اية الاجراءات اللي بتطلبها البنوك من العملاء.
خلال السنين اللي فاتت البنوك العاملة في مصر طورت عدد كبير من الخدمات اللي بتقدمها لعملائها وده واحدة من الخدمات الرقمية اللي الحكومة استهدفت اتاحتها لكل المواطنين بدون اي استثناءات والهدف منها هو راحة ورفاهية المواطنين .
التحول الرقمي اللي البنك المركزي بدأت يشرعه في تعاملات البنوك استهدف تبسيط كل الخدمات اللي بتقدمها البنوك لعملائها، واحدة من الخدمات اللي البنوك سهلتها وطورتها لخدمة المواطنين هيا خدمات فتح الحساب الالكتروني، وده بيتم خلال خطوات سهلة وبسيطة يقدر اي مواطن يعملها وهو قاعد علي سريره في بيته .
اول خطوة حددتها البنوك لفتح الحساب الكتروني في البنوك هيا اختيار البنك المناسب وده بيكون علي أكثر من عامل أولها مستوى الأمان اللي بقدمه البنك لعملائه والرسوم والخدمات البنكية اللي بيقدمها لعملائه، وسهولة استخدام التطبيق أو الموقع الإلكتروني، وتقييمات العملاء عن الخدمات اللي بيقدمها لعملائه.
تاني خطوها بتحددها البنوك للعملاء لفتح حساب الكتروني للعملاء هيا زيارة الموقع الإلكتروني أو تحميل التطبيق من خلال الدخول على الموقع الرسمي للبنك أو تحميل تطبيقه من متجر التطبيقات ، وهنا لازم المواطن يتاكد من استخدام القنوات الرسمية لتجنب الاحتيال، واختيار نوع الحساب، خصوصا أن البنوك بتقدم اكثر من حساب للعملاء زي الحسابات الجارية وحسابات التوفير وحساب الشباب وحساب أعمال.
وبعدها العميل بيملي البيانات الشخصية المطلوبة لفتح الحساب واللي هيا عادة ما تكون الاسم الكامل، والرقم القومي ومحل الإقامة وتاريخ الميلاد، ورقم الهاتف المحمول والبريد الإلكتروني، وبعدها البنك بيطلب توثيق للحساب وده بيكون لأسباب أمنية والمواطن هنا بيرفع صورة لبطاقة الرقم القومي، واحيانا البنك بيطلب من العميل التقاط صورة سيلفي للتحقق من الشخصية، واخيرا العميل بيضغط علي كلمة الموافقة على الشروط والأحكام، كده العميل بقي عنده حساب بنكي، وفي خلال دقائق معدودة بتوصل له رسالة علي رقم تليفونه بفتح حساب بنكي، وبيكون فيها رقم الحساب وبيانات الدخول إلى التطبيق البنكي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
