الاقتصاد المصري في حاجات كتيرة بتتحكم فيه واحدة من الحاجات دي هو التضخم.. ياتري اية هو التضخم ده.. واية تاثيره علي الاقتصاد المصري.. وايه اللي بيحصل في حالة ارتفاعه أو انخفاضه في مصر.
سمعنا كتير عن مصطلح ارتفاع وانخفاض التضخم في مصر، لكن اغلبنا مش عارفين يعني اية تضخم واية تاثيره علي الاقتصاد المصري وعلشان نفهم القصة دي لازم نعرف يعني اية تضخم، والتضخم ده معناه يعني الاسعار بتترتفع في مصر، يعني مثلا لو كان معاك في الوقت اللي فات 1000 جنيه وكنت بتشتري بيهم حاجات معينة، وبعد فترة من الزمن نفس الحاجات بقي سعرها 1500 جنية، يبقى حصل تضخم بنسبة 50%. وده معناه إن قيمة فلوسك قلت، ومبقتش تجيب الحاجات اللي كانت بتجيبها بيها زمان.
طيب اية اللي بيخلي التضخم يحصل اصلا؟.
في اكثر من سبب لارتفاع التضخم في العالم كله مش في مصر بس، أولهم زيادة الطلب على السلع والخدمات، ونقص في المعروض من المنتجات وارتفاع سعر الدولار أو انخفاض قيمة الجنيه وقرارات الحكومة برفع الدعم، وعلي فكرة مش في كل الأوقات التضخم مش بيكون دايمًا وحش، بس لما يبقى عالي أوي ومش تحت السيطرة، بيأثر على كل الناس، خصوصًا اللي دخولهم ثابتة. لأن ببساطة، المرتب بيفضل ثابت والأسعار بتغلي .
طيب ازاي الحكومة بتحاول السيطرة علي التضخم في مصر؟.
علي مدار السنين اللي فاتت التضخم كان مرتفع جدا في مصر، ووصل في سبتمبر 2023 لـ38%، لكن مع الجهود اللي قامت بيها الحكومة لاستهداف الاستثمارات الأجنبية وفتح مصادر جديدة للدخل الدولاري لمصر من الخارج بدأ ينخفض تدريجيًا، ووصل في نوفمبر 2024 لـ25.5%، وفي فبراير 2025 وصل لـ12.8%، وده أقل مستوى من مارس 2022.
كل المؤسسات الدولية أكدت أن الأجراءات الاقتصادية اللي بطبقها مصر هتؤدي لانخفاض اكثر في التضخم وصندوق النقد الدولي توقع إن التضخم يوصل لـ15.3% في يونيو 2025، وفي حالة استمرار الحكومة تطبيق السياسات النقدية المشددة، ممكن يوصل لـ9% في يونيو 2027، ووكالة فيتش توقع إن التضخم يوصل لـ12.5% في نهاية السنة المالية 2025، و10.6% في يونيو 2026.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
